წყაროების მიხედვით, "იუნაიტედმა" €52.8 მილიონი შესთავაზა ფლორენციის "ფიორენტინას" მათი ცენტრალური მცველის, ნიკოლა მილენკოვიჩის სანაცვლოდ. ცნობილია რომ მოურინიო პირადად დაესწრო სერბეთის ნაკრების მატჩს ხუთშაბათს, რაც სავიჩისა და მილენკოვიჩის დასკაუტებად იქნა მიჩნეული. La Nazione-ს ცნობით, პორტუგალიელი ხუთშაბათს სასიამოვნოდ გაოცებული დარჩა 20 წლის მცველის თამაშის ხილვით. ასე რომ "იუნაიტედმა" ახლავე შესთავაზა ზემოთხსენებული თანხა იტალიელებს, რათა სერბი იანვრის სატრანსფერო ფანჯარაზე მოიყვანონ.
მილენკოვიჩი "იებს" 2017 წელს შეუერთდა "პარტიზანიდან" და მას შემდეგ საკმაოდ მაღალ დონეზე თამაშობს. "ოლდ ტრაფორდელებმა'' ზაფხულში ვერ მოიყვანეს უმაღლესი დონის მცველი, რაც განზრახული ჰქონდათ. ვერც ალდერვეირელდი და ვერც მაგუირი. ასე რომ სერბი მცველის "გაწითლება" სრულიად შესაძლებელია.