სულ ცოტა ხნის წინ, პოლ პოგბას მიერ გაკეთებულმა ხმამაღალმა განცხადებამ ცხადყო, რომ ის "მანჩესტერ იუნაიტედიდან" წასვლას არ გეგმავს და მისი სხვა კლუბში გადაბარგების შესახებ გავრცელებული ინფორმაციები ჭორია და მეტი არაფერი.

პოლის "მანჩესტერული" კარიერა მშვიდად ნამდვილად არ მიმდინარეობს, პრობლემები მთავარ მწვრთნელთან, რამაც ჟურნალისტების ყურადღება ყველაზე მეტად მიიქცია, ხოლო პოგბას მიერ გაკეთებულმა რამოდენიმე უცნაურ განცხადებამ, თითქოს ყველაფერი არია.

საბოლოო ჯამში ამ ეტაპზე სიტუაცია ჩაწყნარდა, თუმცა შეიძლება ითქვას, რომ პოგბა - მოურინიო, ერთად გუნდში არსებული ნელმოქმედი ნაღმია, რომელიც არავინ იცის კვლავ როდის აფეთქდება. ყველასთვის ნათელია, რომ ფრანგი და პორტუგალიელი ერთ გუნდში უკვე დიდი პრობლემაა.

ვინ წავა პირველი "იუნაიტედიდან"? სავარაუდოდ ჟოზე მოურინიო, რადგან ხელმძღვანელობას არ სურს პოგბას გუნდიდან გაშვება, ფრანგს როდესაც სურს, მოედანზე ნამდვილად ერთერთი კაშკაშა ვარსკვლავია, თუმცა მის მიერ ძალით ჩაგდებული თამაშები მეტყველებს იმაზე, რომ მას მოურინიოსთან მუშაობა აღარ სურს.

თავის მხრივ, პორტუგალიელიც არ გეგმავს გუნდიდან მსგავსი წნეხით წასვლას რადგან, ვთანხმდებით, რომ ამ შემთხვევაში პორტუგალიელის სამწვრთნელო კარიერა დიდი საფრთხის ქვეშ იქნება, რატომ? ალბათ იმიტომ, რომ სამომავლოდ მოურინიოსთან არცერთ ტოპ - კლუბს აღარ ენდომება მუშაობა.

დავუბრუნდეთ სტატიის მთავარ ობიექტს პოლ პოგბას რომელმაც ხმამაღლა განაცხადა, რომ მას პრემიერ ლიგის მოგება სურს. სწორედ ეს სიტყვები მეტყველებს იმაზე, რომ პოლი დარჩება ხოლო ჟოზე წავა.

"ძნელია კონცენტრაციის მოზიდვა და ახალი მიზნებისთვის ბრძოლა როდესაც ვარსკვლავი ხდები. მსოფლიო ჩემპიონობა - არის საუკეთესო ტიტული, რაზეც ფეხბურთელი მთელი თავისი კარიერა ოცნებობს.

თუმცა მე ახალი გამოწვვების მიღება მიყვარს, მე კიდევ ერთი მიზანი მაქვს. არასდროს არ მომიგია ინგლისის ჩემპიონატი, მსურს ეს გავაკეთო". - ციტირებს ფრანგის სიტყვებს - AFP.


წყარო: ukrainefootball