"ლაციოს" ნახევარმცველმა განაცხადა, რომ ის ბედნიერი დარჩა გუშინდელი ასპარეზობის შემდეგ, რადგან ჟოზე მოურინიო მისი ეროვნული ნაკრებისა და მონტენეგროს შეხვედრას დაესწრო. წყაროების მიხედვით ჟოზე იქ სავიჩისა და "ფიორენტინას" მცველის, ნიკოლა მილენკოვიჩის დასაკვირვებლად ბრძანდებოდა.
სერგეი მილინკოვიჩ-სავიჩი ამ ფაქტს ასე გამოეხმაურა - "მე "ლაციოს" მოთამაშე ვარ, მაგრამ ბუნებრივია ნასიამოვნები დავრჩი იმით, რომ ასეთი რანგის სპეციალისტი შეხვედრას ესწრებოდა".
"ბევრმა გამოცემამ დაწერა რომ ის ჩემი თამაშის სანახავად იყო მოსული, მაგრამ ეს არაფერს ნიშნავს. შეიძლება ჩემს კი არა, ნებისმიერი სხვა მოთამაშის სანახავად მოვიდა".
23 წლის სავიჩი ახალი კონტრაქტის მიხედვით რომაულ კლუბში 2023 წლამდე დარჩება. მეორე ფეხბურთელი, ნიკოლა მილენკოვიჩი კი უკვე სახელდება "ახალ ნემანია ვიდიჩად".