როგორც იცით, დღეს დაიწყო, ყველა საკლუბო დონეზე მომუშავე მწვრთნელისთვის საძულველი, სანაკრებო პაუზა. გასული სანაკრებო მატჩების დროს, კარგად გვახსოვს ყველას, რომ ძალიან კარგ ფორმაში მყოფმა ლუკ შოუმ, ტვინის შერყევა მიიღო. უიღბლობა ნამდვილად "იუნაიტედის" ფეხბურთელთა თანმდევია, ყველგან და ყოველთვის, განსაკუთრებით კი სანაკრებო პაუზისას.

ჯერ ნაკრების მატჩები დაწყებულიც არ იყო, რომ სერბეთის ნაკრებში გამოძახებულმა ნემანია მატიჩმა ტრავმა მიიღო. უცნობია ტრავმის დეტალები და ასევე არაა ცნობილი, თუ რა სიმძიმის ტრავმაზეა საუბარი და შესაბამისად არც ის ვიცით, შეძლებს თუ არა სერბი ნახევარ-მცველი მის ყოფილ გუნდთან, "ჩელსისთან" თამაშს.

გავრცელებული ინფორმაციით მატიჩი უკვე აონის ცენტრში იმყოფება და გადის სარეაბილიტაციო კურსს. ასევე ვიცით, რომ მომავალი სამი დღის განმავლობაში გაირკვევა, როდის შეძლებს თამაშს სერბი საყრდენი.

წყარო: www.skysports.com