ვეტერანმა ინგლისელმა ფეხბურთელმა და ამ დროისთვის, ინგლისის ქალთა ნაკრების მწვრთნელამ ფილ ნევილმა, კომენტარი გააკეთა "იუნაიტედში" მიმდინარე პროცესებზე. ფილ ნევილმა ძალიან დადებითად ისაუბრა მოურინიოზე და განაცხადა, რომ ის არის ერთადერთი მწვრთნელი, რომელიც ამ კრიზისს დაძლევს.
"მე ვფიქრობ, რომ ჟოზე ის ადამიანია, რომელიც ამ დროისთვის "იუნაიტედს" სჭირდება და, რომელიც გუნდს ამოიყვანს ამ ჭაობიდან. მე ორჯერ დამითხოვეს გუნდიდან და ეს ძალიან მტკივნეული მომენტია, როდესაც შენი მომზადებული გუნდი მარცხდება და ეს ყველაფერი შენს კისერზეა, ეს უფრო მეტად პერსონალური ხდება შენთვის, ალბათ, ჟოზესთვისაც ასეა. ვეთანხმები ჟოზეს და მეც ვფიქრობ, რომ ნამდვილად ნადირობენ გუნდისა და მისი იმიჯის შელახვისთვის, მაგრამ პორტუგალიელი ის ადამიანია, ვინც ამ ყველაფერს გაუმკლავდება, მან იცის პრესასთან ურთიერთობა. ან ყველაფერი ან არაფერის - პრინციპი მოქმედებს "იუნაიტედში" და არავინ გაპატიებს მარცხს, რაც საკმაოდ რთულია მწვრთნელისთვის. თუ "იუნაიტედის" გულშემატკივარი ხარ, ვფიქრობ, საკმაოდ ნორმალური მოვლენაა 0-2 დან, 3-2 გამარჯვება."