პრემიერ ლიგის მერვე ტურში. ერთმანეთს "ოლდ ტრაფორდზე" მანჩესტერ იუნაიტედი" და რაფაელ ბენიტესის "ნიუკასლი" დაუპირისპირდნენ.

შეხვედრის მიმდინარეობა ნამდვილად მოულოდნელად განვითარდა, პირველი ტაიმის შემდეგ "კაჭკაჭები" შესვენებაზე ორბურთიანი უპირატესობით გავიდნენ.

თუმცა საბოლოოდ ჟოზე მოურინიოს "იუნაიტედმა" საკუთარ თავში ძალები ჰპოვა და მეტოქე ანგარიშით 3-2 დაამარცხა. აღსანიშნავია ის ფაქტი, რომ გამარჯვების გოლი ალექსის სანჩესმა გაიტანა. სტატიის მთავარი გმირიც სწორედ ის გახლავთ.

კერძოდ, სანჩესს "წითელი ეშმაკების" რიგებში უკვე 6 თვე გოლი არ ჰქონდა გატანილი, რაც მისი კალიბრის ფეხბურთელისთვის ნამდვილად მოულოდნელი შედეგი იყო და კრიტიკოსების განხილვის საგანი 29 - წლის ფეხბურთელი ხშირადაც ხდებოდა.

ალექსისმა გოლი ბოლოს 2018 წლის 21 აპრილს "ტოტენჰემის" წინააღმდეგ გაიტანა. მას შემდეგ მშრალი სერია გრძელდებოდა. თუმცა გუშინ "ნიუკასლთან" გატანილი მნიშვნელოვანი გოლი ამ ყველაფრის დასასრული აღმოჩნდა.

შეგახსენებთ, რომ სანჩესს "იუნაიტედში" მხოლოდ და მხოლოდ 4 გოლი უგროვდება, მაშინ როდესაც ფეხბურთელს ამ დრომდე ყველა ტურნირზე 24 თამაში აქვს "წითლების" რიგებში ჩატარებული.


წყარო: euro-football

როგორი სახით გსურთ ახალი კომენტარების კითხვა საიტზე?

ახალი კომენტარები თავში

ახალი კომენტარები ბოლოში

ხმის მიცემა შედეგები