საკმაოდ სანახაობრივი მატჩი გამოვიდა "ოლდ ტრაფორდზე" და როგორც ინდივიდუალურად, ასევე გუნდურადაც მშვენიერი თამაში აჩვენა ადგილობრივმა გუნდმა. გთავაზობთ ფეხბურთელთა შეფასებებს.

დეივიდ დე ხეა - 7
ორჯერ მოახერხეს მისი კარის დალაშქვრა, თუმცა შემოგვთავაზა რამოდენიმე ძალიან მაღალი დონის სეივი, ისეთი, როგორიც მას ახასიათებს ხოლმე.

ეშლი იანგი - 6
საკმაოდ ჰქონდა შეცდომები დაცვაში, რაც მას ტრადიციად ექცა. თუმცა ბოლო გოლის შემთხვევაში ასისტი მიითვალა.

კრის სმოლინგი - 4
საკმაოდ სუსტი პერფორმანცი შემოგვთავაზა და შეფასებაც შესაბამისი დაიმსახურა.

ერიკ ბაი - 1
შეცვალეს მატჩის მე_17 წუთზე, რადგან გუნდი შოკში იყო და მისი ცვლილებით მოურინიომ როტაციას მიმართა შეტევაში.

ლუკ შოუ - 4
უჭირდა შეტევების გამწვავება, თუმცა როტაციის შედეგად მისი შეტევაში ჩართვის აუცილებლობა აღარ იდგა, რის შედეგადაც მოუწია დაცვაზე კონცენტრირება, რაც მისი ძლიერი მხარე ნამდვილად არაა.

პოლ პოგბა - 6
ისევ ცდილობს იპოვოს საკუთარი მიზანი გუნდში და სწორად კონცენტრირდეს. მიითვალა საგოლე გადაცემა.

მარკუს რაშფორდი - 3
ალბათ უნდა შეწყვიტოს ფიქრი, იმასთან დაკავშირებით თუ რატომ არ არის ხშირად ძირითად შემადგენლობაში. ორი 100% იანი საგოლე გადაცემა გაანიავა.

ენტონი მარსიალი - 7
დაუღალავად დარბოდა მეტოქის ნახევარზე და კარგადაც ამწვავებდა შეტევებს. ძლიერი დარტყმით გაათანაბრა ანგარიში.

რომელუ ლუკაკუ - 5
ცდილობს ისევ და ისევ, თუმცა მის მცდელობებს შედეგი არ მოაქვს.

ხუან მატა - 7
უმაღლესი კლასის საჯარიმო დარტყმა.

მარუან ფელაინი - 7
დაამძიმა მოწინააღმდეგე გუნდის შეტევები და კარგი იყო ართმევაზე.

ალექსის სანჩესი - 7
გამარჯვების გოლის ავტორი. არ გაუტანია მარტის შემდეგ, თუმცა ნამდვილად სწორ დროს შეძლო გატანა.

წყარო: www.manchestereveningnews.com