სულ ცოტა ხნის წინ დამთავრებული პრემიერ ლიგის დღის ცენტრალური შეხვედრა "ოლდ ტრაფორდზე", ძალიან სასიამოვნო აღმოჩნდა არამხოლოდ "იუნაიტედის" გულშემატკივრებისთვის, არამედ მთლიანად ფეხბურთის ქომაგებისთვის.

გუნდიდან წასვლის პირას მყოფ ჟოზე მოურინიოს "იუნაიტედმა", განსხვავებული ორი ტაიმი ითამაშა და რაფა ბენიტესის "ნიუკასლს" შესანიშნავი ეგრეთწოდებული "ქამბექიც" შესთავაზა. "წითელ ეშმაკებმა" 0-2 - ის შემდეგ დრამატულ ბრძოლაში 3-2 იმარჯვეს.

მატჩის შემდეგ მოედნიდან გასასვლელი გვირაბისკენ მიმავალმა მოურინიომ, კამერებთან მშობლიურ ენაზე ბილწსიტყვაობით გამოხატა გამარჯვების რეაქცია. ჟურნალისტების მუშაობამ არ დააყოვნა და ცნობილი გახდა ის სიტყვები რაც პორტუგალიელმა მოურიდებლად წარმოთქვა.

როგორც ჟურნალისტი ტანკრედი პალმეირა იუწყება, მოურინიომ პორტუგალიურად "Fodas filhos de puta" - მიაძახა კამერებს, რაც ქართულად ასე ითარგმნება - "გაიქეცით, ბო****ის შვილებო" - ვის მიმართა სპეციალისტმა ამ სიტყვებით ამ ეტაპზე უცნობია.



წყარო: euro-football