გუნდში ყველა გრძნობს, რომ პორტუგალიელი პოსტს მალე დატოვებს.
"მანჩესტერ იუნაიტედის" შიდა სამზარეულო, რომ ორ ბანაკადაა გაყოფილი, ეს არახალია. პოგბა თავისი თანამოაზრეებით, ხოლო მოურინიო საკუთარი შეგირდებით.
საინტერესო ინფორმაცია ვრცელდება დღეს, რომლის თანახმადაც, ჟოზე მოურინიოს მომხრე ფხბურთელთა რიცხვმა საკმაოდ იკლო და მას ზურგი აქცია, ასე და ამგვარად გუნდში მოთამაშე ყველა ფეხბურთელი უკვე გრძნობს და დარწმუნებულია, რომ მოურინიოს სულ მალე გაათავისუფლებენ. - იუწყება Mirror.
გასახდელში მყოფ ფეხბურთელებს არ სურთ, მწვრთნელისგან ისმინონ ის ბრალდებები, რაც მათზე თამაშის დასრულების შემდეგ, თუნდაც გასახდლში და მეტიც ჟურნალისტების მიკროფონებში ისმის მოურინიოს მხრიდან. მოთამაშეები თვლიან, რომ მოურინიომ გუნდში მორალური სულისკვეთება და ნდობა შეარყია.
ისინი დეპრესიას გრძნობენ, მათი აზრით ჟოზე მათ უფრო ხშირად აკრიტიკებს და ადანაშაულებს ვიდრე ამას საკუთარი თავის მიმართ აკეთებს.
გავიხსენოთ "ვესტ ჰემთან" განცდილი მარცხი, როდესაც მოურინიომ სამ მცველიან ტაქტიკაზე გადასვლით შეცდომა დაუშვა, ხოლო პრეს კონფერენციაზე საკუთარი ფეხბურთელების მიმართ კრიტიკასაც არ მოერიდა.
ზემოხსენებული წყაროს ცნობით, ფეხბურთელები თავს ენერგიაზე და მოტივირებულად გრძნობენ, თუმცა მთავარი პრობლემის მიზეზი ჟოზე მოურინიოა, რომლის ბედიც სავარაუდოდ უკვე გადაწყვეტილია.
წყარო:
euro-football