ჟოზე მოურინიო მზადაა "იუნაიტედში" თავისი ექსპერიმენტები გააგრძელოს. "წითელი ეშმაკები" შაბათს სახლში ძალიან მნიშვნელოვან თამაშს გამართავენ "ნიუკასლ იუნაიტედთან".
უახლესი ინფორმაციით, "განსაკუთრებული" ნემანია მატიჩის დაყენებას ცენტრალურ მცველად აპირებს. Metro-ს ცნობით, გუნდი 3-4-3 ფორმაციით იასპარეზებს. დაცვაში კრის სმოლინგი და მატიჩი გამწესდებიან, მესამე ცენტრალური მცველის პოზიციას კი ერიკ ბაილი ან ვიქტორ ლინდელოფი დაიკავებს.
ბოლო ორ შემთხვევაში როცა გუნდმა ნახევარმცველი დაცვაში დააყენა, მარცხი განიცადა. პირველად ეს ტოტენჰემთან მოხდა, სადაც "იუნაიტედი" 0-3 განადგურდა სახლში, მეორედ კი "ვესტ ჰემთან" სტუმრად 1-3 დამარცხდა.