ალბათ შეამჩნიეთ და "იუნაიტედის", რიგით მეორე მატჩი ჩემპიონთა ლიგაზე "ვალენსიას" წინააღმდეგ, რამოდენიმე წუთის დაგვიანებით დაიწყო, რასაც, რა თქმა უნდა, თავისი მიზეზი აქვს. ინცინდენტს, რომლის გამოც "იუნაიტედმა" მატჩზე მისვლა დაიგვიანა, ორი მხარე ჰყავს, ჟოზე მოურინიო და GMP, ანუ ქალაქ მანჩესტერის პოლიცია.

"წითლების" ავტობუსი სასტუმრო "ლოვრიდან" 18 საათზე გამოვიდა, რაც საკმარისად ადრეული დროა იმისთვის, რომ "ოლდ ტრაფორდზე" დროულად მისულიყო ავტობუსი, თუმცა ამ გზას 75 წუთი დასჭირდა. როგორც თავში გითხარით, ჟოზე მოურინიო ხელს მანჩესტერის პოლიციას ადებს. ბოსის ბრალდება შემდეგნაირად ჟღერს, რომ პოლიციის ესკორტი არ გაჰყვა გუნდის ავტობუსს მოედნამდე და ეს გახდა დაგვიანების მიზეზი(როგორც იცით პოლიციის ავტომობილებს თუ ციმციმა და სირენა აქვთ ჩართული, სამოქალაქო მანქანები უთმობენ გზას. სწორედ ამ ასპექტზე ამახვილებს ყურადღებას მოურინიო). თავისმხრივ Greater Manchester Police აცხადებს, რომ არანაირი საფრთხე არ არსებობდა, რის გამოც უნდა გაჰყოლოდა ავტობუსს ესკორტი, თუმცა პოლიციის ერთი მოტოციკლი მაინც გაჰყვა მათ. ანალოგიურად მოხდა "ვალენსიას" შემთხვევაშიც.

რთულია რეალური მიზეზის განსაზღვრა თუ, რა იყო დაგვიანების რეალური მიზეზი, თუმცა ფაქტი ისაა, რომ გუნდს უეფა დასჯის. დასჯის მეთოდი კი ფინანსური ჯარიმაა, რომელიც 10,000€ შეადგენს და ამ თანხის გადახდა გუნდს აუცილებლად მოუწევს, საპატიო მიზეზის არსებობის შემთხვევაშიც.

წყარო: www.skysports.com