ცოტა ხნის წინ, "მანჩესტერ იუნაიტედის" მარჯვენა მცველი ანტონიო ვალენსია, მცირე მაგრამ უსიამოვნო სკანდალში გაეხვია. კონკრეტულად, ეკვადორელმა სოციალურ ქსელში ჟოზე მოურინიოს წასვლისადმი მიძღვნილი პოსტი დაალაიქა.
როგორც ჩანს მცველმა ჩადენილი საქციელი მოინანია და უმალ გააუქმა მოწონება აღნიშნული პოსტის მიმართ. მისი თქმით, მან არ იცოდა თუ რას მისცა მოწონება.
"გუშინ ინსტაგრამ გვერდზე ერთ - ერთი პოსტი მოვიწონე, ტექსტი ნამდვილად არ წამიკითხავს, პოსტს თან ფოტოგრაფიაც ახლდა. ეს არ არის ჩემი აზრი ამ მოსაზრების მიმართ, მე საჯაროდ ვიხდი ბოდიშს.
სრულიად ვუჭერ მხარს გუნდის მთავარ მწვრთნელს და კლუბის თითოეულ ფეხბურთელს. ჩვენ გავიღებთ ყველაფერს კარგი შედეგების მისაღწევად". - წერს ვალენსია საკუთარი ტვიტერის გვერდზე.