არ არის ახალი ის ფაქტი, რომ ჟოზე მოურინიო ,,იუნაიტედის'' გულშემატკივართა ნდობით ვეღარ სარგებლობს და ნელ-ნელა ჩნდება ახალ-ახალი ჭორები იმის შესახებ, რომ კლუბს ახალი თავკაცი ეყოლება ზინედინ ზიდანის სახით, რომელმაც მწვრთნელის რანგში ,,რეალ მადრიდთან'' ერთად დიდ წარმატებას მიაღწია. გთავაზობთ სტატისტიკას მათი ნამოღვაწარის შესახებ.

ზინედინ ზიდანი ,,რეალ მადრიდს'' 2016 წლის 4 იანვარს ჩაუდგა სათავეში და 2018 წლის 31 მაისამდე იმყოფებოდა მთავარი მწვრთნელის პოზიციაზე. ამ დროის განმავლობაში მან ყველა ოფიციალურ ტურნირზე 149 მატჩი ჩაატარა, აქედან 105 მატჩი მოიგო, 28 ფრედ დაასრულა, ხოლო 16 მატჩში დამარცხდა. შეგახსენებთ მან ზედიზედ სამჯერ მოახერხა ჩემპიონთა ლიგის მოგება, ასევე ერთხელ 2016/17 წლის სეზონში ლა ლიგის თასიც მოიპოვა. არ უნდა გამოგვრჩეს უეფას სუპერ თასი (ორჯერ) და ესპანეთის სუპერ თასი (ერთხელ).

ჟოზე მოურინიო ,,მანჩესტერ იუნაიტედს'' 2016 წლის 27 მაისს ჩაუდგა სათავეში და ამ დრომდე მან უკვე 129 მატჩის ჩატარება მოასწრო ყველა ოფიციალურ ტურნირზე, აქედან 78 შემთხვევაში გაიმარჯვა, 26 მატჩი ფრედ დაასრულა ხოლო 25 წააგო. მოურინიომ ,,იუნაიტედთან'' ერთად სამი თასის მოგება შეძლო: ევროპა ლიგა, ქომუნითი შილდი და ინგლისის ლიგის თასი (აწ უკვე კარაბაოდ წოდებული) აღსანიშნავია, რომ სამივე თასის მოპოვება მოურნიომ 2016/17 წლის სეზონზე მოახერხა.


წყარო: transfermarkt.com