უკანასკნლე მატჩში, როგორც იცით, "იუნაიტედმა" მარცხი განიცადა ქალაქ ლონდონში, ადგილობრივი "ვესტ ჰემის" წინააღმდეგ. მატჩი ყველა ასპექტში საშინელი აღმოჩნდა "ეშმაკებისთვის" და მწვრთნელიც საკმაოდ გააკრიტიკეს მატჩის შემდეგ. თუმცა "იუნაიტედის" მარცხენა მცველმა ლუკ შოუმ ყველაფერში ფეხბურთელები დაადანაშაულა და ბოსი დაიცვა.
"გულახდილად, რომ ვთქვა მოედანზე რაც ხდებოდა, ეს საზარელი სანახავი იყო. ჩვენ არ ვგავდით იმ გუნდს, რომელიც მზად იყო "ვესტ ჰემის" დასამარცხებლად. მე ვფიქრობ, რომ როგორც გუნდი ჩვენ საშინლად გამოვიყურებოდით. ეს არ იყო საკმარისად კარგი "იუნაიტედისთვის", ეს არ იქნებოდა კარგი არცერთი გუნდისთვის და ჩვენ ბოდიშს ვუხდით ფანებს იმისთვის, რისი ნახვაც მოუხდათ. ეს ნამდვილად არ იყო ის ტალანტი, რომელიც რეალურად ჩვენს გუნდს აქვს. ბოსი გვეუბნებოდა მატჩამდე, რომ ჩვენ უფრო მეტად უნდა ვამოძრაოთ ბურთი, უფრო კონცენტრიებულები უნდა ვიყოთ და რაც მთავარია, მეტად ვაკონტროლოთ ბურთი. ჩვენ ეს ვერ მოვახერხეთ და საბოლოოდ ძალიან, ძალიან ცუდი შედეგი მივიღეთ. ჩვენ უნდა ავიღოთ პასუხისმგებლობა, რადგან მწვრთნელი არ გადის მოედანზე, ჩვენ გავდივართ. მან დააყენა შემადგენლობა, რომელიც მისი აზრით მოიგებდა და ამ შემადგენლობას მისცა დარიგებები, რომელიც მთლიანად შეტევისკენ იყო მიმართული. საკმაოდ ძლიერი გუნდით ვითამაშეთ მათ წინააღმდეგ, თუმცა ინდივიდუალურად ჩვენ არ ვიყავით კარგები."
შეგახსენებთ, რომ "იუნაიტედს" შემდეგი მატჩი აქვს "ვალენსიას" წინააღმდეგ, ხვალ, 2 ოქტომბერს 23:00 საათზე.
წყარო: www.skysports.com
ინტერვიუები
6 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.