როგორც იცით, რამოდენიმე საათის წინა, "იუნაიტედი" დამარცხდა სტუმრად ლონდონში - "ვესტ ჰემთან", ანგარიშით 3-1. მატჩის შემდგომ ჟოზე მოურინიომ კომენტარი გააკეთა მთლიან მატჩზე და, შეძლებისდაგვარად, დეტალურად განიხილა მნიშვნელოვანი მომენტები.
"ისმოდა კრიტიკა, რომ შეტევაზე მეტად, დაცვაზე ვაკეთებდი აქცენტს. ძირითად შემადგენლობაში ითამაშა მარსიალმა და არ ითამაშა სანჩესმა. სანჩესს შეუძლია როგორც შეტევაში, ასევე დაცვაში თამაში, თუმცა მარსიალი მხოლოდ შეტევაშია შედეგიანი და არც ისე კარგი დაცვითი უნარები აქვს. ამ გადაწყვეტილებით უკან დასახევი გზა მოვიჭერით და მთლიანად შეტევაში გადავერთეთ. ასევე შეტევით ფეხბურთს ნიშნავდა ორი ფორვარდიც. მაგრამ, რა თქმა უნდა, ჩვენ გვჭირდებოდა მოთამაშე, რომელიც მოედნის უკანა ნაწილიდან ამოიტანდა ბურთს და მოამარაგებდა შეტევას, ასეთია სკოტ მაკტომინეი. ის მართლა საოცარი ბავშვია და საკმაოდ სპეციფიური ხასიათის მოთამაშეა, რომელიც არც ისე ხშირია თანამედროვე ფეხბურთში. გასული მატჩიდან ჩვენ ცუდი განწყობები გამოგვყვა და დიდწილად ამან განაპირობა ის შედეგი, რაც დაფიქსირდა. რთულია იმის თქმა, რომ ვდომინირებდით პირველ ტაიმში, თუმცა პირველი გოლი თამაშგარე მდგომარეობიდან და მეორე ავტოგოლი, ნამდვილად არ მიუთითებს მათ დომინირებაზე. თუმცა მეორე გოლის მომენტში უფრო აგრესიულად უნდა გვეთამაშა დაცვაში, რის არ გაკეთების გამოც დავისაჯეთ. მესამე გოლიც საკამათო იყო იმ ასპექტში, რომ შეტევის წამოწყების მომენტში არნაუტოვიჩი თამაშგარეში იყო და ამ მომენტზეც შეიძლება ვიდაოთ. ვიდეო რეფერის არსებობის შემთხვევაში ნამდვილად სხვაგვარად წარიმართებოდა მატჩი. დღევანდელი დღე უკვე ისტორიაა და უნდა ვფოკუსირდეთ "ვალენსიაზე"."