არავინ დავობს იმ ფაქტზე, რომ ინგლისის ყველაზე სახელოვან და ტიტულოვან კლუბში "მანჩესტერ იუნაიტედში" არეულობაა. გუნდის მთავარ მწვრთნელსა და ფეხბურთელებს შორის უნდობლობის ფაქტორი გაჩნდა და ეს ყველაფერი თითოეულ შეხვედრაში ტაბლოზეც ფიქსირდება.
"ოლდ ტრაფორდის" ხელმძღვანელობა ცვლილებებზე ფიქრობს. სიახლეები საჭიროა, რადგან არავინ იცის ასე გაგრძელების შემთხვევაში, რა გზას დაადგებიან "წითელი ეშმაკები".
Le10Sport - ის ცნობით, პორტუგალიელი სპეციალისტის შემცვლელთა სია გაფართოვდა, ზინედინ ზიდანის და ანტონიო კონტეს სახელსა და გვარს, ლონდონური "ტოტენჰემის" არგენტინელი თავკაცი მაურისიო პოჩეტინოც შეემატა.
შვიდი ტურის შემდეგ, "იუნაიტედი" 10 ქულით სატურნირო ცხრილის მეშვიდე პოზიციაზე იმყოფბა, ხოლო კლუბმა ახლახანს "ოლდ ტრაფორდზე" პენალტების სერიაში დათმო შეხვედრა ჩემპიონშიფის ბინადარ "დერბისთან" და "კარაბაო" თასის გათამაშებას პირველივე რაუნდიდან გამოეთიშა.