როგორც იცით, საკმაოდ დაიძაბა სიტუაცია პოლ პოგბასა და ჟოზე მოურინიოს შორის, რასაც მედია კიდევ უფრო ამწვავებს, საკუთარი კომენტარებით. თუმცა ბევრია ისეთი ადამიანი ვინც სწორხაზოვნად თვლის, რომ ამ უთანხმოებით ორივე მხარე აზარალებს გუნდს და ასეთი ადამიანია, "იუნაიტედის" ყოფილი მოთამაშე დიმიტარ ბერბატოვი. გთავაზობთ მის ინტერვიუს ამ თემასთან დაკავშირებით.
"როდესაც შენ ხარ კაპიტანი ან ვიცე-კაპიტანი შენ უფრო მეტი მოგეთხოვება, ვიდრე სხვა რიგით ფეხბურთელებს და არაფერია იმაში ცუდი, რომ განიხილო შენი მოსაზრებები გუნდის მწვრთნელთან[გულისხმობს პოგბას განცხადებას, რომ გუნდმა უნდა შეუტიოს]. დღევანდელი ფეხბურთელები ერთი დიდი შოუს მონაწილეები არიან და თავს სწორედ ასე გრძნობენ, მეტად არიან გადართულები მედიასთან მუშაობაზე, რაც ნამდვილად არასწორია. როდესაც ყველაზე ძვირადღირებული ფეხბურთელი ხარ გუნდში და ასევე ვიცე-კაპიტანი, დიახ, შესაძლებელია, რომ გქონდეს პოზიცია, თუმცა ეს შენი მოსაზრებებია და მწვრთნელს უნდა გაუზიარო, პირველ რიგში. მიკვირს, რომ აქამდე მივიდა საქმე, ეს "იუნაიტედს" არ შეეფერება. ამიტომ, როგორც ნამდვილმა პროფესიონალებმა და ზრდასრულმა ადამიანებმა, ისე უნდა მოაგვარონ მოურინიომ და პოგბამ ეს პრობლემები. ეს საშინაო პრობლემებია და ნახევარი მსოფლიო ამაზე არ უნდა ლაპარაკობდეს. პროფესიონალობა გამოვლინდება მოედანზე გაკეთებულით და არა იმით, თუ ვის აქვს უფრო დიდი პენისი".
ბერბატოვის სიტყვებმაც დაადასტურა ეს და ნამდვილად ფაქტია, რომ ყველაზე მეტად ამ უთანხმოებით კლუბის იმიჯი ზარალდება და უდაოა, რომ აუცილებლად შეეწირება რომელიმე მათგანი ამ ყველაფერს. თუმცა საკითხავია რომელი მათგანი და ასევე საინტერესოა თუ რა გადაწყვეტილებას მიიღებს ხელმძღვანელობა.
წყარო: www.dailymail.co.uk
ინტერვიუები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.