საკმაოდ დაძაბული და გამაღიზიანებელი ღამის მატჩის შემდეგ დერბის წინააღმდეგ, უაღრესადაა დაძაბული გუნდში მდგომარეობა და ალბათ გუნდი უკანასკნელი სიტყვაა, რომელიც ამ "იუნაიტედს" შეეფერება. დერბისთან დამარცხებას თან დაერთო მოურინიოს პოგბასთან დაპირისპირების ახალი ფაზა, რომელიც დაიწყო მისთვის ვიცე-კაპიტნის სამკლაურის ჩამორთმევით.

არსებობს გარკვეული მიზეზები იმის ასახსნელად, თუ რამ აიძულა მოურინიოს ეს გადაწყვეტილება მიეღო იმ დროს, როდესაც პოგბა სრულიად არაა დარწმუნებული მის მომავალში. ერთ-ერთი მიზეზი ამისა გახლავთ პოგბას განცხადება, რომელშიც გუნდის ტაქტიკა გააკრიტიკა და ხაზი გაუსვა იმ ფაქტს, რომ გუნდი შეტევაზე არ აკეთებს აქცენტს.

გავრცელდა კადრები, რომელიც დღეს დილის ვარჯიშზეა გადაღებული და ამ კადრებში მკაფიოდ ჩანს, რომ პოლ პოგბა და ჟოზე მოურინიო კამათობენ. ორივე საკმაოდ მნიშვნელოვანი ფიგურაა გუნდისთვის და რთულია ასევე იმის თქმა ვინ შეიძლება შეეწიროს ამ უთანხმოებას, მაგრამ ფაქტი ერთია, რომ ამ ყველაფრით, ყველაზე მეტად, "იუნაიტედი" ზარალდება და ოპონენტი გუნდების წისქვილზე ასხამს წყალს.

წყარო: www.skysports.com