"იუნაიტედის" ახალგაზრდებმა გამართეს მატჩი "მიდლსბროს" წინააღმდეგ და იმარჯვეს ანგარიშით 2-0. თუმცა აღსანიშნავია ის ფაქტი, რომ გამოკვეთილად კარგი შეფასებები დაიმსახურა ტაჰიტ ჩონგმა. მისი ნომინალური პოზიცია მარცხენა ვინგერია, თუმცა ასევე ხშირად უწევს თამაში მარჯვენა ფლანგზეც. ჩონგმა ამ მატჩში შორეული ჯარიმის გატანა შეძლო.

მატჩის დასრულებისთანავე ძალიან ბევრი ტვიტი დაიდო იმის შესახებ, რომ ჩონგი ამ მდგომარეობით უკვე უკეთესია ალექსის სანჩესზე და შემდეგ შეხვედრაში აუცილებლად უნდა დაწინაურდეს ის მთავარ გუნდში. კაცმა რომ თქვას, მიუხედავად იმისა, რომ საკმაოდ დიდია კონკურენციაა მარცხენა ფლანგზე, მაინც ძალიან დაბალი შედეგიანობით გამოირჩევა ეს პოზიცია გუნდში. ასევე პრობლემატურია მარჯვენა ფლანგიც, სადაც ასევე წარმატებით თამაშობს ახალგაზრდულ გუნდში.

თუმცა, არაერთხელ დამტკიცდა, რომ ახალგაზრდული ჩემპიონატი და მთავარი გუნდი, ცა და დედამიწაა. ნამდვილად სათუოა გაამართლებს თუ არა ახალგაზრდა შემტევი "იუნაიტედის" ძირითად გუნდში. როგორც ვიცით, ჩონგი პრე-სასეზონო ტურში იღებდა მონაწილეობას, თუმცა ბევრი ვერაფრით დაგვამხსოვრა თავი. თუმცა 18 წლის შემტევს უდაოდ უნდა მიეცეს შანსი მთავარ გუნდში, რადგან ეს მის ტალანტს უკეთესად განავითარებს.