გასვლითი მატჩების მოგების სერიის („ბარნლი“, „უოტფორდი“, „იანგ ბოიზი“) შემდეგ „მანჩესტერ იუნაიტედი“ კვლავ ჩერდება შინ, ამჯერად მოკრძალებულ „ვულვერჰემპტონტან“. ნუნუ ეშპირიტუ სანტუს გუნდმა თანაბარი ბრძოლა გაუმართა ამ დაპირისპირების ფავორიტს სტუმრად.

„მგლებმა“ ჩვეული დაცვითი სტრატეგია აირჩიეს 5-4-1, მოურინიომ კი შვეიცარიაში, გასვლითი მატჩის სასტარტო თერტმეტეულში 4 ცვლილება მოახდინა. თუმცა, ფეხბურთელების როტაციამ შედეგი ვერ გამოიღო - ერთნაირად ცუდად ითამაშეს როგორც დასვენებულმა, ისე ოთხშაბათს ნათამაშებმა ფეხბურთელებმა.

როგორც „იანგ ბოიზთან“ შეხვედრაში, აქაც „იუნაიტედმა“ მატჩის დებიუტი ჩააგდო. ფრედის გოლი ეწინააღმდეგებოდა თამაშის ლოგიკას. თუ გასვლით მატჩში შვეიცარიაში ცუდი მოძრაობა და არაზუსტი გადაცემები შეგვეძლო დაგვებრალებინა ფეხბურთელებისთვის უჩვეულო, ხელოვნურ მოედნის საფარს, საკუთარ მოედანზე თამაშისას ასეთ უსახურ პერფორმანსს გამართლება არ აქვს.

თუმცა, თამაშის არასასურველი რეზულტატი არ შეიძლება მხოლოდ „წითელი ეშმაკებს“ დავაბრალოთ. ეშპირიტუ სანტუ და მისი გუნდი იმსახურებენ დიდ პატივისცემას. ისინი გაცილებით კარგად გამოიყურებოდნენ თამაშის ორ უმნიშვნელოვანეს ასპექტში - დაცვაში ერთმანეთის დაზღვევაში და დაცვიდან ბურთის შეტევაში გადატანაში.



„იუნაიტედი“ ჯერ კიდევ პოზიციური შეტევის ანბანს სწავლობს. წინა მატჩებში მოწინააღმდეგეები 4 მცველით თამაშობდნენ და დრო და დრო ტოვებდნენ მოედანზე თავისუფალ სივრცეებს, რასაც „წითელი ეშმაკები“ სიამოვნებით იყენებდნენ. „მგლები“ კი, ,,იუნაიტედის'' შეტევებს 9 კაცისგან შექმნილ დაცვის კედელს ახვედრებენ და ერთი მეორის მიყოლებით აჩერებდნენ ,,იუნაიტედის'' გამჭოლ გადაცემებს საკუთარი საჯარიმოს მიმართულებით.

კიდევ ერთი ასპექტი, რომელიც „იუნაიტედის“ გულშემატკივრისთვის არის არასასიამოვნო, „მგლების“ საჰაერო გადაცემები თითქმის ყოველთვის იყო ზუსტი. „ვულვერჰემტონმა“ არამხოლოდ ხელები შეუკრა „იუნაიტედის“ განლაგებას თავისი პრესინგით, ამავე დროს ისინი საკმაოდ ეფექტურად გადადიოდნენ დაცვიდან შეტევაში.

თუ კარგად დავუკვირდებით, გასაგებია თუ რატომ უჭირდა „იუნაიტედს“ ბურთის საჯარიმომდე მიტანა, ასევე ცხადია რატომ გახდა სიამაყის საბაბი მწვრთნელთა შტაბის გეგმა ბ - შორეული ჩაწოდება ფელაინის მისამართით. „ არ შეგვიძლია დაბლა? - ვცდით საჰაერო პასებით“.



„იუნაიტედი“ აღმოჩნდა სავსებით მოუმზადებელი მოწინააღმდეგის სათამაშო გეგმისთვის. დიახ, ჩემპიონთა ლიგის მატჩიდან 2 დღე გავიდა, მაგრამ ვის ადარდებს ეს? „ოლდ ტრაფორდზე“ მოძრაობდნენ ასეთი ნელა და იხსნებოდნენ კიდევ უფრო ცუდად, რომ მე და კიდევ ბევრს დარჩა ისეთი შთაბეჭდილება, თითქოს არ მომხადრიყოს სამწრვთნელო შტაბში ცვლილებები და უმნიშვნელო მცდელობები გუნდის თამაშის ხარისხის გამოსწორების.


ბევრი აღაშფოთა ალექსის სანჩესის მორიგმა უსახურმა თამაშმა. ის ხედავს გამწვავების შესაძლებლობას, მაგრამ ან არაზუსტ პასს აკეთებს საჯარიმოში ან წარუმატებლად თამაშობს მასში შესვლისას. გოლიც კი მის არაზუსტ ჩაწოდებას მოჰყვა ლუკაკუს მიმართულებით.

რაც ყველას აღიზიანებს არის ის, რომ იმისთვის რომ მისცეს ალექსისს დრო პარტნიორებთან შესათამაშებლად, მოურინიოს უწევს მარსიალის სკამზე დასმა.

არ შემიძლია არ ავღნიშნო პოლ პოგბა. მან ისევ გააკეთა რამოდენიმე შესანიშნავი გადაცემა ლუკაკუს მიმართულებით, რომელმაც თავისი შანსი ვერ გამოიყენა მეორე ტაიმში. ხოლო ფრედი არ მოერიდა საჯარიმოს გარედან მეკარის შეწუხების შანსს პოლის პასის შემდეგ და გაიტანა კიდეც. პოლის ასისტი არაჩვეულებრივი იყო. მაგრამ ამ პასების გვერდით, იგივე თამაშში, შეგვიძლია ვიპოვოთ არაზუსტი პასების და ცუდი გადაწყვეტილებების მთელი დასტა. როგორ შეიძლება ეს ყველაფერი ერთ ფეხბურთელში იყოს მოქცეული? ეს მიკვირს და მაბრაზებს, რადგან წარმომიდგენია როგორი იდეალური ფეხბურთელი შეუძლია პოლს გახდეს.

გაშვებული გოლის ეპიზოდი დაიწყო იქედან, რომ პოლმა გადაწყვიტა ჯარიმის გამომუშავება, იმის მაგივრად რომ გაეკეთებინა გადაცემა უკან ან გვერდით. ეს უკვე მესამე ან მეოთხე ეპიზოდი იყო მატჩში, როდესაც პოლმა გადაწყვიტა ჯარიმაზე თამაში, როდესაც პარტნიორისთვის პასის მიცემა უფრო შედეგიანი იქნებოდა.

შოუ და ლინდელოფიც არ იყვნენ მოწოდების სიმაღლეზე. რაც უნდა მთელი ძალებით ეცადათ მოწინააღმდეგის შეჩერება, ყოველი მეორე შეტევა მათ ფლანგზე მთავრდებოდა საჯარიმოში შეჭრით. არასწორი ართმევები და პრესინგი ყოველ ჯერზე უფრო და უფრო ამწვავებდა შეტევებს საკუთარ კართან და ბოლოს ეს გაშვებულ გოლშიც გამოიხატა.



ჯამში: აღსანიშნავია მოურინიოს და შტაბის არასწორი მომზადება მატჩისთვის. დიდი პატივისცემა ნუნუ ეშპირიტუ სანტუს და მის პორტუგალიელთა ჯგუფს. მანჩესტერის გულშემატკივრებისთვის კი ყველაზე პოზიტიური მომენტი მატში იყო სერ ალექს ფერგილსონის დაბრუნება ტრიბუნაზე. ფეხბურთელებმა ფანების გახარება ფაქტიურად ვერაფრით ვერ შეძლეს.