გაგაცნობთ "იუნაიტედის" ფეხბურთელთა რიცხობრივ შეფასებებს "ვულვერჰემფტონ ვანდერერსის" წინააღმდეგ გამართულ მატჩში, რომელიც ანგარიშით 1-1 დასრულდა.
დეივიდ დე ხეა - 7 დეივიდი ისევ და ისევ შეუდარებელი იყო. არც ამჯერად გაუცრუებია იმედები გუნდისთვის და ტრადიციულად მოწოდების სიმაღლეზე იყო. რომ არა ის, ნამდვილად სხვა ანგარიშით დასრულდებოდა მატჩი.
ანტონიო ვალენსია - 4 ფეხბურთელს უდაოდ აკლია ფანტაზია და ეს ამ მოცემულ მატჩშიც გამოჩნდა. ძალიან არაპროდუქტიული იყო და მისი ერთადერთი ქმედება, რასაც მთელი მატჩი აკეთებდა, იყო ფლანგიდან ბურთის ჩაგდება, რამაც ნამდვილად არ გამოიღო შედეგი.
კრის სმოლინგი - 6 დამაჯერებლად გამოიყურებოდა თითქმის მთელი თამაში, თუმცა იყო შეცდომებიც. იმის ფონზე, რომ სეზონი სათადარიგოთა სკამიდან დაიწყო, კრისი ძალიან კარგად გამოიყურება, თუმცა გაშვებული გოლი რაღაც დოზით მის კისერზეა.
ვიქტორ ლინდელოფი - 5 ეს ბიჭი ისევ ადაპტაციის პერიოდს გადის გუნდში. საკმაოდ ჰქონდა პრობლემები ჰელდერ კოშტასგან და ხიმენესისგან, რასაც თითქმის ვერ უმკლავდებოდა.
ლუკ შოუ - 5 ეს ბიჭი რამდენადაც კარგია შეტევაში, იმდენადვე ცუდია დაცვაში. გაშვებული გოლის მომენტშიც მას გაეპარა ხიმენესი ფლანგზე.
მარუან ფელაინი - 7 ბელგიელი მოედნის ყველა წერტილში იმყოფებოდა და საკმაოდ პროდუქტიულიც იყო, როგორც შეტევაში, ასევე დაცვაშიც.
ფრედი - 6 ბრაზილიელმა საკმაოდ საჭირო სადებიუტო გოლის გატანა შეძლო, რა თქმა უნდა, საჭირო გუნდისთვის და ასევე მისი თავდაჯერებულობისთვის, მომდევნო მატჩებში.
პოლ პოგბა - 6 ფრანგი შემტევის თამაშში შეგვიძლია მკაფიოდ გამოვყოთ მისი მსოფლიო დონის შეხება ბურთთან, რომელიც ფრედმა გოლით დააბოლოვა.
ჯესი ლინგარდი - 6 საკმაოდ აქტიურად დაიწყო და პრესინგიც შემოგვთავაზა, თუმცა ეს საკმარისი არ აღმოჩნდა.
ალექსის სანჩესი - 4 ჩილელს ისევ უჭირს იყოს პროდუქტიული და ეს ნამდვილად არ გამოპარვია მწვრთნელს, ასე რომ ის სამართლიანად შეცვალეს.
რომელუ ლუკაკუ - 2 პრინციპში ეს ქულა მოედანზე 90 წუთის გატარების გამო დაიმსახურა, სხვამხრივ ნამდვილად ნული იყო მატჩში.
ენტონი მარსიალი - 5 "უხასიათო ფრანგი" ნამდვილად ცდილობს, რომ შეუტიოს, თუმცა მისი არასახარბიელო სათამაშო ფორმის გამო ვერაა ისეთი პროდუქტიული, როგორიც ადრე.
ხუან მატა - 3 შემოსვლისთანავე ძალიან ჩაიკარგა და უჭირდა შეტევების გამწვავება.
ანდრეას პერეირა - 6 ეს ბიჭი ნამდვილად იმსახურებს ძირითად შემადგენლობას და მას ეტყობოდა, რომ რაღაცის შესაცვლელად შემოვიდა მოედანზე.
წყარო: www.manchestereveningnews.co.uk
სტატიები
6 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.