"იუნაიტედის" ჩილელი შემტევი ისევ და ისევ ვერ ერგება გუნდს. საკმაოდ გაიწელა მისი ადაპტაციის პროცესი და საკმაოდ გაიჩინა კრიტიკოსები, გუნდის გულშემატკივრების სახით. ჩილელი გასულ სეზონში შეუერთდა გუნდს ზამთრის სატრანსფერო ფანჯრის დროს და მის ანგარიშზე 26 შეხვედრაში, ყველა ტურნირზე, 3 გოლია.

იმ შემთხვევაში თუ გუნდს ფრანგი სპეციალისტი, ზინედინ ზიდანი ჩაიბარებს, გუნდს აუცილებლად დატოვებს რამოდენიმე ფეხბურთელი და ამ მოთამაშეების სიაშია ალექსის სანჩესი, წერს გავლენიანი ბრიტანული გამოცემა Express. თუკი ასე მოხდა ნამდვილად საინტერესოა ვის მოუნდება ჩილელი ნახევარ-მცველის შეძენა.

ასეთ ორ გუნდად მოიაზრება "პარიზ სენ-ჟერმანი" და "არსენალი". პრინციპში, რაღაც დოზით, მარტივია ამ ორს შორის არჩევანის გაკეთება, რადგან პარიზული კლუბი არის ახალი გამოწვევა და ამავდროულად ნამდვილად არის შესაძლებლობა, რომ სანჩესმა იბრძოლოს მაღალი მიზნებისთვის.

სეზონის ბოლოს დიდი სიურპრიზები გველოდება "იუნაიტედში" და იმედია ეს ყველაფერი სასიკეთოდ წაადგება გუნდს, იქნება ეს ფეხბურთელებისგან გუნდის გასუფთავება, თუ ახალი მწვრთნელის მოყვანა.

წყარო: www,express.co.uk