პრემიერ ლიგის მეექვსე ტურის მატჩში, ჟოზე მოურინიოს "იუნაიტედმა" საშინაო კედლებში, ინგლისის ჩემპიონატში ახლახანს აღზევებული ეშპირიტ სანტუს "ვულვზი" მიიღო და საყაიმო ფრესაც დაჯერდა. შეხვედრა ანგარიშით 1-1 დასრულდა.
მატჩის შემდეგ ჯურნალისტებისტვის მიცემულ ინტერვიუში ჟოზე მოურინიომ განაცხადა, რომ ტაბლოზე დაფიქსირებული ანგარიში სამართლიანია.
"ანგარიში სამართლიანია. მათ დაიმსახურეს ეს ქულა, ხოლო ჩვენ ასევე დავიმსახურეთ ის რეზულტატი რაც დაფიქსირდა. მოწინააღმდეგემ თამაში კარგად დაიწყო, აგრესიულად, ინტენსიურად. არ ვიცი, რატომ იყვნენ ისინი ასე მოტივირებულები. ჩემი შემტევი ფეხბურთელებისგან მეტს ველოდი. მე ვერ ვხედავდი კრეატიულობას, მოქმედებებს, სიჩქარეებს.
სტაბილურად არ ვითამაშეთ. იმის გათვალისწინებით თუ რა ცუდად დავიწყეთ თამაში, ჩვენ გაგვიმართლა და პირველი გოლი გავიტანეთ. მათი საფეხბურთო განწყობა დღეს უკეთესი იყო ვიდრე ჩვენი". - ციტირებს ВВС - ჟოზეს სიტყვებს.