ცუდი სტარტი

საქმე გაკეთებულია. ვერ დავარქმევ ჩვენს თამაშს ფენომენალურს, მაგრამ ჩემთვის ეს საკმარისი იყო, ძალიან კმაყოფილი ვარ. რა თქმა უნდა ვიცი მიზეზები, თუ რატომ ვერ დავიწყეთ კარგად, მთელი 25 წუთი დაგვჭირდა იმის გამო, რომ ბურთი ჩვენი კონტროლის ქვეშ ყოფილიყო."იანგ ბოიზმა" ძალიან აგრესიულად დაიწყო, როგორც "ზაგრების დინამოსთან", ვინაიდან ისინი ხვდებიან, რომ ყველას უჭირს ასეთ მოედანზე თამაში და სანამ მოწინააღმდეგე მოერგებოდა სათამაშო პირობებს, შეეცადნენ დაესაჯათ იგი.

შოუ და დალო

ვფიქრობ, რომ ლუკ შოუმ და დიოგო დალომ შესანიშნავი მატჩი ჩაატარეს, ბევრი ირბინეს, ხშირად შემოდიოდნენ ცენტრშიც, ძალიან კარგად ერთვებოდნენ შეტევებში და კარგად ამარაგებდნენ გუნდელებს.ლუკ შოუ უკვე წლებია ჩვენი გუნდის წევრია, ხოლო დიოგო დალოსთვის ეს იყო მისი პირველი მატჩი და ყველას კარგად დაანახა მისი პოტენციალი, ის ჯერ 19 წლისაა, ასე რომ მას მინიმუმ 10 წელი შეუძლია ჩვენს რიგებში თამაში.

პოლ პოგბა

ისიც ძალიან კარგი იყო. მატჩის დასასრულს ცოტა დაღლილობა შეეტყო და ამიტომ გადავწყვიტე შემეცვალა. მან ითამაშა ძალიან სოლიდურად, მოახდინა თავისი კლასის დემონსტრირება და შეტევებს საჭირო ტემპს აძლევდა. შესანიშნავი გოლი გაიტანა, ხოლო რაც შეეხება პენალტის გატანას, ესეც მის ჩვეულ სტილში შეასრულა.

ხელოვნური საფარი

წინა სამატჩო ვარჯიშის დროს აშკარად ვგრძნობდი, რომ ფეხბურთელები იტკიებდნენ კუნთებს და დიდ უკმაყოფილებას გამოხატავდნენ. რთულია ითამაშო ისეთ მოედანზე, რომელზეც თამაშის არანაირი გამოცდილება არ გაქვს და არ ხარ მიჩვეული, განსხვავებით ოპონენტების, რომლებიც მიჩვეულები არიან ამ საფარის, ასევე ისინი არ სვავენ წყალს თამაშის მიმდინარეობის. ინგლისური გუნდები ყოველთვის სვამენ წყალს თამაშის დროს და ბუნებრივ საფარზე თამაშს სულ სხვა ეშხი აქვს. ახლა როდესაც მორჩა მატჩი შემიძლია მკაფიოდ განვაცხადო, რომ არ მესმის როგორ უნდა იყოს დაშვებული ამხელა რანგის ტურნირზე ხელოვნურ საფარიანი მოედნები.

ზედიზედ სამი გამარჯვება გასვლით მატჩებში

შესვენებაზე ჩემს ბიჭებს ვუთხარი, რომ უკვე მესამე მატჩია შესვენბაზე ორი გოლის სხვაობით გავდივართ, "ბარნლისთან" ვერ შევძელით გატანა მესამე ბურთის, თუმცა არც მიგვიღია საპასუხო, ხოლო "უოტფორდთან" მივიღეთ საპასუხო და გავირთულეთ საქმე, ახლა საჭიროა გავიტანოთ კიდევ და მოვკლათ თამაში. ბიჭებიც ჩემს დავალებას სრული პასუხისმგებლობით მოეკიდნენ და უკვე მესამედ ვაჩვენეთ ძალიან თავდაჯერებული და მაღალი დონის თამაში. მიხარია, რომ უკვე მესამე გასვლით მატჩი მოვიგეთ, მაგრამ ახლა დაბრუნდეთ უკან და მოვიგოთ შაბათს.

ჯგუფის შესახებ

ჩვენთვის აუცილებელი იყო მოგება და ეს შევძელით, ასეთი სირთულის ჯგუფში საჭიროა 6 დან 6 ქულის აღება "იანგ ბოიზთან", თუმცა ეს რა თქმა უნდა თეორიული შანსია, მეორე მატჩი ჯერ წინაა. რაც შეეხება სხვა თამაშებს, ჩვენ 4 მატჩის ჩატარება გვიწევს ძალიან რთულ მეტოქეებთან "ვალენსიასთან" და "იუვენტუსთან", სადაც აუცილებლად უნდა ავიღოთ ქულები და გავიდეთ ჯგუფიდან.