"მანჩესტერ იუნაიტედი" და "საუნთჰემპტონი" იანვარში, 23 წლის ვინგერისთვის იბრძოლებენ. ყოველივე ამას ბრიტანული გამოცემა The Sun ავრცელებს.
ნიკოლას პეპე ამჟამად საფრანგეთში, "ლილის" ღირსებას იცავს. კოტ'დიუარელმა ფეხბურთელმა ამჟამანდელი სეზონი ფანტასტიკურად დაიწყო, მის ანგარიშზე ჩატარებულ ხუტ მატჩში, 4 გატანილი გოლი და 3 საგოლე გადაცემაა. გასულ სეზონში კი პეპემ 14 გოლის შეგდება მოახერხა.
ფრანგულმა კლუბმა კარგად იცის რომ ბევრ კლუბს სურს ნიკოლასის გადაბარება. ამ მიზეზით ისინი ცდილობენ სატრანსფერო ფასი მაქსიმალურად მაღლა აწიონ. ამჟამად ფრანგები 30 მილიონ ფუნტზე თანახმანი არიან, თუმცა უცნობია რამდენის გადახდა სურს ინგლისურ მხარეს.
გასულ სატრანსფერო ფანჯარაზე, ფრანგულ "ლიონს" ნიკოლას პეპე სურდა, თუმცა ტრანსფერი ჩაიშალა. მისი შეძენით ამჟამად "მანჩესტერ იუნაიტედისა" და "საუნთჰემპტონის" გარდა, ირიბად არიან დაინტერესებულნი "ბარსელონა" და "ტოტენჰემი".