"მანჩესტერ იუნაიტედის" ნახევარმცვლმა პოლ პოგბამ, გუშინდელი მატჩის შემდეგ, ჟურნალისტებთან უჩვეულო კომენტარი გააკეთა და გუნდის მთავარი მწვრთნელის ჟოზე მოურინიოს მიმართ მადლიერებაც გამოხატა ნდობისთვის.
"იანგ ბოიზის" წინააღმდეგ გამართულ შეხვედრაში, პოგბამ "იუნაიტედის" სამივე გატანილ გოლში მიიღო მონაწილეობა, ორი თავად გაიტანა, ხოლო ერთიც თანაგუნდელ მარსიალს გაატანინა. აღსანიშნავია ის, რომ პოლმა მეორე გოლი თერთმეტმეტრიანის ნიშნულიდნ შეაგდო, სტანდარტი ისევ მან შეასრულა მიუხედავად იმისა, რომ მას უკანასკნელი საპენალო დარტყმა გაფუჭებული ჰქონდა წინა შეხვედრაში.
"ეჭვი არ მეპარებოდა, რომ მზად ვიყავი ამ თერთმეტმეტრიანის შესასრულებლად. "ბარნლისთნ" შეხვედრაში ჯო ჰარტმა ჩემი დარტყმული მოიგერია, თუმცა ამ შემთხვევაში იგივეს ვერ დავუშვებდი.
საკუთარ თავში დარწმუნებული ვიყავი. თანაგუნდელებმა მომცეს უფლება თავად გამეკეთებინა ეს რისთვისაც მათ მადლობას ვუხდი. მადლობა მინდა ასევე გადავუხადო მწვრთნელს რომელმაც ასევე მომცა ნება მქონოდა ამის საშუალება". - ციტირებს პოგბას სიტყვებს Sky Sports.
შეგახსენებთ, რომ ჩემპიონთა ლიიგის მიმდინარე სეზონში თავისი პირველი შეხვედრა "მანჩესტერ იუნაიტედმა" შვეიცარიაში სტუმრად "იანგ ბოიზის" წინააღმდეგ ჩაატარა და დამაჯერებლად 0-3 მოიგო, რის შემდეგაც "წითელი ეშმაკები" H - ჯგუფში ერთპიროვნულად გალიდერდნენ.