ზამთრის სატრანსფერო ფანჯრის გახსნამდე არცთუ ისე ცოტა დროა დარჩენილი, თუმცა კლუბები, სატრანსფერო სამიზნეებს აქიდანვე უთვალთვალებენ და მათთვის ხელსაყრელი ხელშეკრულების მომზადებას იწყებენ.

მომდევნო სატრანსფერო ზონა, სიახლის მომტანი შესაძლოა აღმოჩნდეს, "მანჩესტერ იუნაიტედის" კოტ' დივუარელი ცენტრალური მცველისთვის ერიკ ბაიისთვის.

ერიკმა თითქოს დაკარგა ჟოზე მოურინიოს ნდობა და სათადარიგო სკამზე გადაინაცვლა, რაც ბუნებრივია მასში უკმაყოფილებას იწვევს. სწორედ აქედან გამომდინარე სავარაუდოა, რომ ბაიიმ კლუბი გამოცვალოს და "არსენალის" ან "ტოტენჰემის" ღირსება დაიცვას. სწორედ ეს ორი გუნდი აპირებს მისთვის ბრძოლას. - იუწყება The Mirror.

მთავარი მიზეზი აფრიკელის სკამზე დასმისა იყო "ბრაიტონთან" ჩატარებული უსახური მატჩი. რომლის შემდეგაც ჟოზე მოურინიომ, ერთ - ერთ მატჩში ჯანმრთელად მყოფი ბაიი სამატჩო განაცხადშიც კი არ შეიყვანა არათუ ძირითადში.

პრესა ასევე იუწყება, რომ პორტუგალიელსა და ცენტრალურ მცველს შეხვედრა უკვე ჰქონდათ, სადაც ფეხბურთელის მომავალი იქნა განხილული, თუმცა გამორიცხული არ არის, რომ ერიკმა "ოლდ ტრაფორდი" ზამთარშივე დატოვოს.


წყარო: footballhd.ru