გუშინდელი მატჩის შემდეგ გაჩნდა კონკრეტული კითხვები, კონკრეტულ ფეხბურთელებთან დაკავშირებით. გაისმა პროგნოზები, რომ გუნდი მარსიალს აუცილებლად დააყენებს ტრანსფერზე, კითხვის ნიშნის ქვეშ დადგა მაკტომინეის სიკარგე და ბევრი სხვა რამ. თუმცა გავლენიანმა გამოცემამ Skysport_მა საკმაოდ საინტერესო კითხვა დასვა იმის შესახებ, თუ რამდენად სამართლიანი ანაზღაურება აქვს "იუნაიტედის" ცხრიანს - რომელუ ლუკაკუს.

პრემიერ ლიგის დაწყებიდან დღემდე, "იუნაიტედმა" სულ 5 შეხვედრა ჩაატარა და მხოლოდ 1 დაასრულა უგოლოდ. ამ 5 თამაშში ბელგიელმა ფორვარდმა 4 გოლის გატანა შეძლო და ამ მაჩვენებლით უკონკურენტოა გუდნში. გასულ თამაშებში გამოჩნდა, რომ ლუკაკუნა ნამდვილად არაა შემქნელი ფორვარდი, თუმცა ეს ნამდვილად არ აკნინებს მას, რადგან მისი გოლის ალღო და დაბოლოების უნარები უფრო მნიშვნელოვანია. ეს ნამდვილად ასეა, იმის მიუხედავად, რომ კარში დარტყმების მხოლოდ 46%_ის გარდაქმნა მოახერხა გოლად. ეს საშუალო მაჩვენებელია ევროპული გრანდების შემტევებთან მიმართებაში.

მას შემდეგ, რაც გაასწრო მის ყოფილ თანაგუნდელ - დიდიე დროგბას პრემიერ ლიგაში გატანილი გოლების რაოდენობით, ის ნამდვილად ერთი-ორად ამაღლდა ყველა ექსპერტისა თუ გულშემატკივრის თვალში. საკმაოდ შთამბეჭდავია მისი სტატისტიკა, 2012/2013 წლიდან მოყოლებული, ის მხოლოდ ორ ფორვარდს ჩამორჩება გოლების რაოდენობით. იგი მეორე ადგილოსან ჰარი კეინს 5 გოლით, ხოლო პირველ ადგილოსან სერხიო აგუეროს 18 გოლით, ჩამორჩება. ეს ნამდვილად შთამბეჭდავი მაჩვენებელია, რადგან ის ჯერ "ჩელსისთვის" შემდეგ "ვესტ ბრომვიჩისთვის", ასევე "ევერტონისთვის" და ბოლოს "იუნაიტედისთვის" უტევდა. რაც მის მიერ მიღწეულ შედგებს უფრო თვალსაჩინოს და ფასეულს ხდის, სიის ზედა ორი ფეხბურთელისგან განსხვავებით.

რომელუ ლუკაკუ ნამდვილად შეუცვლელი ფიგურაა "იუნაიტედის" რიგებში, რაც განვლილ თამაშებშიც გამოჩნდა. მისი ყოველკვირეული ანაზღაურება 250,000 ფუნტ სტერლინგს შეადგნეს, მისი გადმოსვლის დღიდან. განვლილი სეზონებიდან გამომდინარე შეიძლება დაისვას კითხვა, თუ რამდენად ღირსეული ანაზღაურება აქვს მას?! რთულია განსაზღვრო რამდენად შესაბამისია ეს რიცხვები რეალობასთან მიმართებაში, რადგან თანამედროვე ფეხბურთში არსებული ფინანსური მხარე და სახელფასო ჭერი არანაირ ლოგიკაში აღარ ჯდება. თუმდა ერთი შეგვიძლია ვთქვათ, ეს ცოტა ნამდვილად არაა და პრინციპში თამამად შეიძლება მოვითხოვოთ ფეხბურთელებისგან ტიტულების მოგება და ამის შემგომ თავისთავად შეიძლება გაზრდილ ანაზღაურებაზე ფიქრი, მოთამაშეების მხრიდან.

წყარო: www.skysport.com