"იუნაიტედის" ცხრიანმა - რომელუ ლუკაკუმ გუნდის თავკაცზე - ჟოზე მოურინიოზე ისაუბრა და მას უმაღლესი დონის სპეციალისტი უწოდა. ბოლო პერიოდია საკმაოდ ხშირად ისმის ჭორები ჟოზეს წასვლასთან დაკავშირებით და იმის შესახებაც, რომ მოურინიოს კონფლიქტი აქვს ზოგიერთ ფეხბურთელთან, რაც ლუკაკუმ უარყო.

"მას შემდეგ, რაც "ტოტენჰემთან" დავმარცხდით, მე ვიგრძენი ერთობა ფეხბურთელებს, მწვრთნელსა და ფანებს შორის. რთულია ეს ყველაფრი ახსნა, რაც მაშინ ვიგრძენი, ეს ძალიან ლამაზი სანახაობა იყო. ამ ადამიანს გააჩნია პიროვნულობა, ინდივიდუალურობა, რომელიც უდიდეს პატივისცემას იმსახურებს. ის ცდილობს ჩვენთან ერთად ააშენოს დაუმარცხებელი გუნდი. ფანებს ის უყვართ, მარცხის მიუხედავად, რადგან ის ყველაფერს მათთვის აკეთებს და ისინიც ხედავენ ამას. რა თქმა უნდა, ის მაქსიმალურად ცდილობს, რომ მოვიგოთ, თუმცა როდესაც ვაგებთ ის ძალიან ბრაზდება და ეს ნორმალურია. არ მესმის, როცა წაგების შემდეგ ადამიანები მის გაშვებაზე საუბრობენ. თუმცა ეს ადამიანები არ იცნობენ პრემიერ ლიგის სპეციფიკას, რადგან თუ ერთ დღეს ფავორიტი ხარ, შეიძლება მეორე დღეს საშუალო დონის გუნდმა დაგამარცხოს, რადგან პრემიერ ლიგის გუნდებმა ყველაზე კარგად იციან, რომ ბრძოლას ყოველთვის აქვს აზრი."

ასევე ლუკაკუმ დღევანდელ მატჩზეც ისაუბრა, "ვოტფორდის" წინააღმდეგ და განაცახა, რომ გუნდში ერთიანობაა და ეს არის ის ფაქტორი, რომელიც ძალიან დაეხმარებათ მათ საკმაოდ კარგ ფორმაში მყოფი "ირმების" დამარცხებაში.

წყარო: www.manutd.com