სერ ალექსის პერიოდში და მანამდეც, ინგლისის ეროვნული ნაკრები და "იუნაიტედი" საკმაოდ იყო დაკავშირებული ერთმანეთთან იმ მარტივი მიზეზის გამო, რომ ძირითადი ბირთვი ინგლისელებით იყო დაკომპლექტებული. შესაბამისად ისინი უფრო მეტად იყვნენ ყურადღების ცენტრში ადგილობრივი გამოცემებისა და ექსპერტების მხრიდან. ბოლო პერიოდია ამ ყურადღების ცენტრშია მარკუს რაშფორდი, რომელიც "იუნაიტედის" ძირითად შემადგენლობაში იშვიათად ხვდება, თუმცა კითხვას თუ რატომ გამოიძახა საუთგეიტმა ეროვნულ ნაკრებში ფეხბურთელი, რომელსაც კლუბში არ ენდობიან, რაშფორდმა დეივიდ დე ხეას კარში გატანილი გოლით უპასუხა.

"იუნაიტედის" ყოფილმა ფეხბურთელმა დიიონ დუბლინმა Manchester Evening News - სთვის მიცემულ ინტერვიუში მარკუს რაშფორდის შესახებაც ისაუბრა. "მან აუცილებლად ამ სეზონის ბოლოს უნდა მიიღოს გადაწყვეტილება, არც ამ დროზე ადრე და არც გვიან" - აცხადებს დიიონ დუბლინი და აღნიშნავს, რომ რაშფორდის ტალანტის განადგურება არ შეიძლება. "თუ მისთვის სათამაშო დროის გამონახვას ვერ ახერხებს გუნდი და მისთვის დავალება არ აქვს მოურინიოს, ჯობია, რომ წავიდეს გუნდიდან, ერთგულება კარგია, მაგრამ ეს ორმხირივი უნდა იყოს".

ასევე ექს-"იუნაიტედელი" პარალელეს პოგბასთან ავლებს და ამბობს, რომ თუ ფეხბურთელს დიდი ტალანტი გააჩნია და ის აკადემიიდანაა დაწინაურებული, არ უნდა იგრძნო ამის გამო თავი ისე, რომ შენ გუნდთან ვალში ხარ და ბოლომდე მისცე შენი ტალანტის ჩაკვლის შესაძლებლობა. "პოგბა ამ ყველაფერს მიხვდა, გააცნობიერა და დატოვა კლუბი მაშინ, როდესაც მისთვის დრო არ ჰქონდა სერ ალექსს, ასეთივე რთული გადაწყვეტილება უნდა მიიღოს რაშფორდმაც და წავიდეს ისეთ კლუბში სადაც ექნება დიდი სათამაშო დრო".