სერ ალექს ფერგიუსონის დამხმარე მწვრთნელმა, რენე მეიულენსტინმა წარსულზე ისაუბრა და გაიხსენა ფერგიუსონის სამწვრთნელო გუნდის უკანასკნელი დღეები "იუნაიტედში". ინგლისელი მწვრთნელი ფიქრობს, რომ ფერგიუსონის მიერ მწწვრთნელის პოსტის დატოვების შემდეგ, ეს პოსტი რაიან გიგსს უნდა დაეკავებინა.

"მე ვფიქრობ და მჯერა, რომ რაიანისთვის შანსი უნდა მიეცათ. არავინ იცის რა იქნებოდა, თუმცა მიმაჩნია, რომ იმ პერიოდში არსებული ვარიანტებიდან რაიანი ოპტიმალური იყო, რადგან ყველაზე მეტად ის გააგრძელებდა ფერგიუსონის პოლიტიკასა და ტრადიციებს გუნდში. ყველაზე მეტად მას გააჩნდა მებრძოლისა და გამარჯვებულის მენტალიტეტი გუნდში. ის "იუნაიტედის" სული და გული იყო მას შემდეგ, რაც გუნდში მოვიდა. გრძელვადიან პერსპექტივაში მე აუცილებლად დავუჭერდი მის კანდიდატურას მხარს" - აცხადებს მეიულენსტინი.

ასევე მან ისაუბრა მისი პერიოდის "იუნაიტედზე" და გაიხსენა მთლიანი სამწვრთნელო გუნდი, თუ როგორ საათივით იყო აწყობილი ყველაფერი, ყველა თავის საქმეს აკეთებდა და ეს მხოლოდ გუნდი არ იყო, ეს იყო ოჯახი, სახელად "იუნაიტედი". ეს მართლაც ასე ჩანდა გარედან, სერ ალექსი, დევიდ გილი, გიგსი, სქოულზი, კერიკი, რიო, ვიდიჩი, რუნი - ეს მამოძრავებელი ძრავი იყო, საკმაო პერიოდის განმავლობაში. ნებისმიერი წაგების მიუხედავად, ეს იყო გუნდი, რომელსაც ყველაფერს აპატიებდა გულშემატკივარი, რადგან მათ ბევრი ძალიან ბედნიერი თარიღი აჩუქეს "იუნაიტედის" ფანებს. ეს თარიღებიც რომ არა, მათი თამაშის ყურება იყო სიამოვნება, რომელიც "ოლდ ტრაფორდს" უბრალოდ უხდებოდა.

"დღეს ამ ტრადიციებს აღარავინ აგრძელებს და ეს ძალიან სამწუხაროა" - აცხადებს რენე მეიულენსტინი.

წყარო: www.goal.com