როგორც ყველამ ვნახეთ, 2018 წლის მსოფლიო ჩემპიონატის პერიოდში, საფრანგეთის შემადგენლობაში ორი ახალი სახე ბენჟამინ პავარი და ლუკა ერნანდესი იყვნენ. ორივე მცველია და ორივე ფლანგის, ასევე ორივე ძალიან მაღალი დონის შესრულებით გამოირჩეოდა მსოფლიო ჩემპიონატის პერიოდში მოედანზე და ეს არ გამორჩენიათ ევროპული გრანდების სკაუტებს.
"იუნაიტედმა" თვალი იმ ორთაგან ლუკა ერნანდესს დაადგა. "მადრიდის ატლეტიკოს" ფლანგის მცველი ძალიან კარგ სეზონს ატარებს კლუბში, მითუმეტეს მსოფლიო ჩემპიონობის შემდეგ. "იუნაიტედს" მის ფლანგზე ანტონიო ვალენსია და ახლად შეძენილი დიოგო დალო ჰყავს. რთულია იმის თქმა რამდენად დგას ჰერნანდესის საჭიროება გუნდში, თუმცა ვალენსია ასაკის მატებასთან ერთად ვეღარ იკრიფავს ფორმას, ასევე პორტუგალიელი დალო 19 წლის არის და ჯერ არასდროს ჰქონია შეხება პრემიერ ლიგასთან.
ლუკა ჰერნანდესმა კონტრაქტი 2024 წლამდე გაახანგრძლივა "ატლეტიკოსთან" რამაც მისი გამოსასყიდი თანხა გაზარდა. Marca-ს გამოქვეყნებულ სტატიაში ვკითხულობთ, რომ ინგლისელი ეშმაკები 71.17 მილიონ ფუნთ სტერლინგს ჩამოდიან. ეს ნამდვილად არაა ის თანხა რაც რეალურად შეესაბამება ფრანგი მცველის უნარებს, თუმცა ყველას კარგად მოგეხსენებათ თანამედროვე სატრანსფერო ფასები.
წყარო: www.skysports.com
ჭორები
5 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.