იმ წელს, როდესაც სერ ალექს ფერგიუსონმა საბოლოოდ მიიღო გადაწყვეტილება, რომ ფეხბურთიდან წავიდოდა - 2013 წელს, მას ჰქონდა ჩანაფიქრი, რომელსაც ერქვა ილკაი გუნდოგანი. 2012 წელს, როდესაც პოლ სქოულზმა დაასრულა ფეხბურთელის კარიერა, ფერგიუსონი სერიოზულად ფიქრობდა თუ ვის უნდა შეეცვალა ის და სწორედ ამ დროს მოიხიბლა სერ ალექსი "დორტმუნდის" მაისურით მოასპარეზე ილკაი გუნდოგანით.

"ჩვენ უნდა შეგვევსო ის ღრმული რაც პოლის წასვლის შემდეგ დაგვრჩებოდა, სამწუხაროდ აკადემიაში არ მოიძებნა მისი ღირსეული შემცვლელი და ესეც, რომ არა რთულია სქოულზის შემდეგ გუნდის დირიჟორობა აკადემიის მოთამაშეს მიანდო. მოგეხსენებათ სერ ალექსი იშვიათად ყიდულობდა შემდგარ ფეხბურთელებს და ყოველთვის აძლევდა ახალ თაობას შანსს, თუმცა იმ პერიოდში ნელ-ნელა იცვლებოდა თამაშის წესები და მეტი აქცენტი კეთდებოდა შემდგარი ფეხბურთელებით გუნდის დაკომპლექტებაზე, სწორედ ეს გახდა მიზეზი თუ რატომ ვცდილობდით "დორტმუნდელი ბიჭების" მარკო როისისა და ილკაი გუნდოგანის შეძენას" - აცხადებს სერ ალექსის ყოფილი თანაშემწე მწვრთნელი - რენე მეულენსტინი.

ალბათ ამ ყველაფრის შემდეგ გააცნობიერა სერ ალექსა, რომ მისი თაობის ერთ-ერთი უკანასკნელი სპეციალისტი იყო და უნდა დაეტოვებინა პოსტი, რადგან შეიცვალა სატრანსფერო სტანდარტები და ხერხები. პრინციპში რთულია შემდგარ ვარსკვლავებსა და უკვე დახვეწილ ფეხბურთელებს წინააღმდეგობა გაუწიო აკადემიის ბავშვებით. დაიხვეწა ფეხბურთი ყველა კუთხით და შეიძლება ითქვას ამას აარიდა თავი ფერგიუსონმა. ეს არანაირად არაა დასაზრახი და არ აკნინებს მის სახელს, პირიქით, ამ ნაბიჯით მან აღარ დაასახიჩრა მისი საკმაოდ გრძელვადიანი და ტიტულოვანი კარიერა.

წყარო: www.skysports.com