სახეფხბურთო ექსპერტი და ანალიტიკოსი, ფილ ტომპსონი გამოეხმაურა ინგლისელი შემტევის, მარკუს რაშფორდის გარშემო არსებულ ბოლო დროინდელ მოწოდებებს კლუბის დატოვებასთან და ზოგადად მის სათამაშო ფორმასთან დაკავშირებით. ბრიტანელი ექსპერტი საკმაოდ კრიტიკულად განსჯის მარკუსის უკანასკნელ თამაშებს და ზოგადად მის ბოლოდროინდელ რეგრესს "იუნაიტედის" მაისურში.

ტომპსონის აზრით მარკუს რაშფორდის ცუდი ფორმა მცირე სათამაშო დროის ბრალია, ხოლო ეს უკანასკნელი, გუნდის თავკაცის ნაკლები ნდობიდან არის გამოწვეული. თუმცა ეს ნაკლები ნდობაც რაღაცით არის განპირობებული და ეს დიდი ალბათობით არის ის ფაქტი, რომ მოურინიოს უჭირს ფეხბურთელების პროგრესზე მუშაობა, ის უბრალოდ იყენებს მათ შესაძლებლობებს, მაგრამ როგორც კი ფეხბურთელი დაკარგავს მის სათამაშო ფორმას, მოურინიო მას დაუყოვნებლივ ანაცვლებს. პრინციპში ეს ლოგიკურია, მაგრამ არა სამომავლო პერსპექტივაზე გათვლილი.

"რაშფორდი უნდა წავიდეს, უპირობოდ. ეს შეიძლება იყოს არენდი ან თუნდაც პირდაპირ გადასვლა სხვა კლუბში. უალტერნატივოა მისი კლუბის შეცვლა, რადგან მას სათამაშო დრო სჭირდება, მის ნიჭს სჭირდება სათამაშო დრო. ის აუცილებლად უნდა განვითარდეს მოედანზე, მას ექნება ისევ ცუდი დღეები, თუმცა უნდა ჰქონდეს ცუდი დღის მომდევნო დღე, რომ დაარწმუნოს სხვები და საკუთარი თავი იმაში, რომ მას შეუძლია შეცდომის გამოსწორება და დაგვანახოს, რომ ის იზრდება ყოველდღიურად."

ხშირად გვესმის კრიტიკა მოურინიოს მიმართ, ბოლო თვეების განმავლობაში და მოდით მისი თვალით შევხედოთ სიტუაციას. გვყავს გუნდში ლუკაკუ და რაშფორდი, პირველი მათგანი უკვე გამოცდილია პრემიერ ლიგაში, ტანმაღალია, ფიზიკურად ძლიერი, სწრაფი, კარგი გოლის ალღო და მოკლედ, რომ ვთქვათ უმაღლესი დონის პროფესიონალი. მეორე მხარეს კი რაშფორდი, მცირე გამოცდილებით, დაუღვინებელი, "ხასიათის" ფეხბურთელი - როგორც მას უწოდებენ და უდაოდ ნიჭიერი. მიმდინარე სეზონი კი წყვეტს თქვენს ბედ-იღბალს დარჩებით თუ არა გუნდში. გასაგებია, რომ რაშფორდისნაირი ნიჭიერი ფეხბურთელის დაკარგვა არ შეიძლება, თუმცა ამ დროისთვის, რომ მისი საჭიროება არ დგას გუნდში ესეც ფაქტია. ოპტიმალური გამოსავალი ამ სიტუაციიდან კი უდაოდ მისი განათხოვრებაა. მოურინიოს, რომ დავუბრუნდეთ, ამ კვირაში ჩვენმა საიტმა შემოგთავაზათ სტატია, სადაც მოურინიოს ტიტულებზე იყოს საუბარი. იმ სტატიაში, პრინციპში, ყველაზე ყურადღებამისაქცევი დეტალი გახლდათ პერიოდები, ის თუ რა დროს ატარებს მოურინიოს გუნდებში. ეს არის საშუალოდ 3.5 წელი. ამის გათვალისწინებით კი შეგვიძლია ვივარაუდოთ, რომ მოურინიო მის პოტენციალს 3 წელში ამჟღავნებს და მისი დღევანდელი მდგომარეობა საბოლოოა, რაც არანაირად არ გამოიყურება დამაიმედებლად, თუ, რა თქმა უნდა, მწვრთნელის ცვლილებაზე არ მიდგა საქმე.

წყარო: www.skysports.com