"იუნაიტედში" არსებული მდგომარეობის გათვალისწინებით, ყველა ხვდება გუნდშიც და გუნდს გარეთაც, რომ კლუბს ახალი სისხლი ესაჭიროება, როგორც ახალი მწვრთნელის სახით, ასევე ფეხბურთელების სახითაც. არსებობს სტერეოტიპი, რომ "იუნაიტედისთვის" არ არსებობს მიუწვდომელი ფეხბურთელი და სხვა გუნდებიც ამით სარგებლობენ, ფეხბურთელს ორმაგ და სამმაგ ფასს ადებენ, მისი რეალური ფასის მაგივრად.

არსებობს პროგნოზები და წინასწარმეტყველებები, რომ 2019 წლის ზაფხულში გუნდში დიდი ცვლილებები იქნება. შეიძლება შეიცვალოს სპორტული დირექტორი, მწვრთნელი, ასევე შეიძლება გუნდმა დათმოს ერთ-ერთი ლიდერი პოლ პოგბა. ამ ყველაფრის გათვალისწინებით ყველა გუნდი ცდილობს შეინარჩუნოს ლიდერები, რომ მათი წამყვანის ფეხბურთელებით არ დაიწყოს "იუნაიტედმა" ახალი გუნდის მშენებლობა.

სწორედ ამ საფრთხის თავიდან ასაცილებლად "მილანის ინტერმა" დამატებით გაუხანგრძლივა კონტრაქტები მის ლიდერებს მაურო იკარდის და მილან სკრინიარს. ორივე ფეხბურთელს კონტრაქტი 2021 წელს ეწურებოდა, თუმცა "ინტერნაციონალის" მესვეურები პირდაპირი გაგებით "დაპანიკებულები" არიან, რომ იუნაიტედი მათ ლიდერებზე ინადირებს.

Gazzetto dello sport - ი სტატიაში წერს, რომ იტალიელები სერიოზულად ეკიდებიან მათ სამომავლო გეგმებს და საკმაოდ ძლიერი გუნდის მშენებლობაც დაიწყეს, რაჯა ნაინგლოანის ტრანსფერის სახით, თუმცა მათი შიში "იუნაიტედთან" დაკავშირებით მართლაც, რომ კომიკურია და სიამაყით ავსებს "ეშმაკების" გულშემატკივრებს, რადგან მათი საყვარელი გუნდი კარგი თუ ცუდი ფორმის მიუხედავად, იდეაშივე იტალიაურ გრანდზე დიდი რეპუტაციით სარგებლობს.

წყარო: www.dailymail.co.uk