ტურინის "იუვენტუსის" ახალგაზრდა ნიჭიერმა შემტევმა პაულო დიბალამ, შესაძლოა კარიერა ინგლისში და კერძოდ, "ოლდ ტრაფორდზე" გაგრძელოს.
ცნობილი გამოცემა Calciomercato - ის ცნობით, "წითელი ეშმაკები" დარწმუნებულნი არიან იმაში, რომ იტალიელების ინტერესი პოლ პოგბას მიმართ, მათ დაეხმარებათ ამ ტრანსფერის განხორციელებაში.
"ოლდ ტრაფორდის" მენეჯმენტი ფეხბურთელების შესაძლო გაცვლაზე ფიქრობს. რა თქმა უნდა შესაძლო გაცვლაში მცირე თანხის დამატებაც არ არის გამორიცხული.
ტურინში კრიშტიანუ რონალდუს გადაბარგების შემდეგ უნდა აღინიშნოს ისიც, რომ არგენტინელ ვარსკვლავს სათამაშო დრო ნამდვილად მოაკლდა, რაც შესაძლოა გახდეს მისი კლუბიდან წასვლის ერთ - ერთი მიზეზი.
არგენტინელის მიმართ ინტერესს ასევე გამოხატავენ ესპანური გრანდი კატალონიის "ბარსელონა" და ფრანგული "პსჟ", დიბალა ასევე ფლორენტინო პერესის "რეალსაც" სურს.