სეზონის წარმატებული სტარტის შემდეგ, "მანჩესტერ იუნაიტედის" მარცხნა მცველ ლუკ შოუს ეროვნულ ნაკრებში მცირე უსიამოვნება და ტრავმა შეხვდა. როგორც ჩანს, მისდა საბედნიეროდ კარვხალთან შეჯახება სერიოზული არ არმოჩნდა.

"სამი ლომის" ნაკრების მთავარმა მწვრთნელმა გარეთ საუთგეიტმა ლუკის შესახებ ისაუბრა და განაცხადა, რომ მისი ტრავმა სერიოზული არ არის და სულ მალე შოუ მოედანს დაუბრუნდება.

"შოუს ჯანმრთელობის ირგვლივ ყველაფერი კარგადაა. იმ დიაგნოზის შემდეგ რასაც ტვინის შერყევა ჰქვია, მან უნდა გაიაროს დაახლოებით 6 - 7 დღიანი კურსი. თუ ყველაფერმა კარგად ჩაიარა ის ვარჯიშებს მალე განაახლებს". - ციტირებს Goal - საუთგეიტის სიტყვებს.

შეგახსენებთ, რომ შოუმ ტრავმა, ერთა ლიგაზე ესპანეთის წინააღმდეგ გამართულ შეხვედრაში, დანი კარვახალთან შეჯახების შემდეგ მიიღო, რის შემდეგაც მარცხენა მცველი მოედანზე უგონოდ დაეცა, თუმცა გულშემატკივრებისთვის სასიხარულო მიმართვა შოუმ სოციალურ ქსელში მალევე გაავრცელა და განაცხადა, რომ ყველაფერი კარგად არის.


წყარო: euro-football.ru