თბილისი:
მანჩესტერი:
10-09-2018, 20:44
ავტორი: N.Vidic,
ნანახია: 742,
კომენტარები: 8
"თითქმის იუნაიტედელი" ვარსკვლავის ტრაგიკული ისტორია
პარაგვაელი ფორვარდი წარსულს იხსენებს.
სამხრეთ ამერიკელი ფორვარდებიდან ერთ-ერთი გამორჩეული ნამდვილად არის სალვადორ კაბანასი, რომელმაც წარსულზე ისაუბრა. ყოფილი პარაგვაელი ფორვარდი ძალიან ახლოს იყო "იუნაიტედში" გადმოსვლასთან 2010 წელს, თუმცა მას ტრაგედია დაატყდა თავს. სწორედ ამ დროს, როდესაც 2 გზის "კოპა ლიბერტადორესის" ბომბარდირი, კლუბში იმყოფებოდა მეგობრებთან ერთად, ურთიერთშელაპარაკების ნიადაგზე მექსიკელმა ნარკო-ვაჭარმა თავში ტყვია ესროლა.

საკმაოდ მძიმე დაზიანებები მიიღო სალვადორმა, თუმცა სასწაულებრივად გადაურჩა სიკვდილს. 3 წლიანი სარეაბილიტაციო კურსისა და მისი ოჯახის თანადგომის შედეგად, ის ნორმალურ ცხოვრებას დაუბრუნდა, თუმცა არა ფეხბურთს. ფეხბურთელმა ფორმის აღდგენა ვერანაირად ვეღარ მოახერხა, პრინციპში ეს გასაკვირი არცაა. მისი თქმით, წინასწარი კონტრაქტი უკვე გაფორმებული იყო "იუნაიტედის" წარმომადგენლებთან, ამისთვის 1.2 მილიონიც გადაუხადეს და 3 დღეში ბრიტანეთში უნდა გაფრენილიყო, თუმცა მოხდა ის რაც მოხდა.

სამწუხაროდ, მის წარსულში არსებული გარემოცვიდან არავინ აღმოჩნდა თუნდაც 1 ისეთი ადამიანი, რომელიც მას გვერდით დაუდგებოდა, ან უბრალოდ მოკლე ტექსტურ შეტყობინებას მიწერდა, რომ გამაგრებულიყო და ყველაფერი კარგად იქნებოდა, თუმცა არც ნაკრებში და არც კლუბში არავინ აღმოჩნდა ასეთი. მთლიანი თანხა, რაც გააჩნდა მას და მის ოჯახს, მთლიანად მის მკურნალობას მოხმარდა და საბოლოოდ ფინანსურად უმძიმესი სურათი მივიღეთ.

დღეს, ერთ დროს უძლიერესი თავდამსხმელი, რომელსაც ევროპის წამყვანი კლუბები ეპატიჟებოდნენ, ასუნსონის ქუჩებში პურს ყიდის და ამით არჩენს ოჯახს. "წინასწარი კონტრაქტი უკვე შეთანხმებული მქონდა, მიმართულება იყო "მანჩესტერი". ჩემმა კლუბმა გამიორმაგა ანაზღაურება და ორი აპარტამენტი მომცა აკაპულკოსა და კანქუნში, რომ შევენარჩუნებინე გუნდში. ახლაღა ვაცნობიერებ, რომ როდესაც ფეხბურთელი ხარ, მაშინ ყველას სჭირდები, მაგრამ სინამდვილეში ეს ყველაფერი დროებითი ტყუილია, რომელიც ერთი ფეხის დაცდენის შემთხვევაში გაქრება. დღეს პურს ვყიდი, რომ ოჯახი ვარჩინო, ეს საქმე მომწონს, ხალხიც მცნობს და მეკითხებიან ჩემ წარსულზე და ზოგადად ფეხბურთზე. ცხოვრება გრძელდება, ეს ფეხბურთის ნაწილია, თუმცა ყოველ ჯერზე, როდესაც ამაზე ვფიქრობ სევდა მიბყრობს, რადგან ერთ დღეში დამენგრა ამდენი ხნის ნაშენები ცხოვრება."

ინტერვიუს ბოლოს,რომელიც ადგილობრივ გამოცემას მისცა, კაბანასმა დაამატა, რომ ყველას ჯანმრთელობას უსურვებს და მოუწოდა, რომ ცხოვრება არასოდეს მთავრდება, მაშინაც კი თუ არაფერი გაქვს, რომ ჩაეჭიდო.

წყარო: www.goal.com
სტატიები
8 კომენტარი
№1
ავტორი: PaLoMo
10 სექტემბერი 2018 20:59
  • სიახლეები: 1
  • კომენტარები: 1909
ნამდვილად სევდიანი ისტორიააა
0
_ _ _ _ _ _ _ _ _ _ _ _ _ _ _ _ _ _ _ _ ჯერ გადახტი და ჰოპ მერე დაიძახე.
№2
ავტორი: ikeoni
10 სექტემბერი 2018 21:10
  • სიახლეები: 0
  • კომენტარები: 6055
ნამდვილად არ ვიცოდი ეს ისტორია და ძალიან იმოქმედა:(( ძალიან ძლიერი ყოფილა როგორ არ დაეცა და გატყდა ფსიოქოლოგიურად
2
№3
ავტორი: kobinio
10 სექტემბერი 2018 21:43
  • სიახლეები: 17
  • კომენტარები: 1328
ღმერა ყველა განსაცდელში მყოფს მოუვლინოს ხსნა!
მწარე ცხოვრებისეული რეალობა...
1
№4
ავტორი: gaga1987
10 სექტემბერი 2018 22:05
  • სიახლეები: 0
  • კომენტარები: 1178
სგ მაგარი კაცი ხარ....
0
№5
ავტორი: Dato kutaisi
10 სექტემბერი 2018 22:13
  • სიახლეები: 1
  • კომენტარები: 1142
მახსოვს ამის ამბავი როცა ესროლეს ტელევიზორში თქვეს და შოკში იყო ყველა.მერე მისი ისტორია და ამბები არ ვიცოდი და მადლობა ავტორს.ღმერთი შეეწიოს
0
№6
ავტორი: Svani
10 სექტემბერი 2018 23:58
  • სიახლეები: 950
  • კომენტარები: 2208
პატივისცემა ჩემგან !
0
№7
ავტორი: JuanMata
11 სექტემბერი 2018 00:00
  • სიახლეები: 13
  • კომენტარები: 1610
ესეთ ისტორიებზე ძალიან მეშლება ნერვები, რაღაც უაზრობის გამო, ადამიანებს ცხოვრება ენგრევათ.
0
№8
ავტორი: psixi13
11 სექტემბერი 2018 19:39
  • სიახლეები: 0
  • კომენტარები: 30
ვამბობთ ფეხბურთი სპორტზე მაღლა დგას,ესეთ ადამიანს ნუთუ ვერ გამოუნახეს სამსახური ან ყოფილ გუნდში ან ნაკრებში.ბევრი დეპრესიიგან თავს დაიბრიდავდა მაგრამ მაგარი კაცია,მანჩეს რაგა დაემართა სირ პეხბურთელებში მილიონებს ყრიან და ამ კაცს რო დახმარებოდა არაფერი დაშავდებოდა.ამის ადგილას ლიმონკას შჰეუგდებდი გასახდეში ყოPილ თანაგუნდელებს )))) ბოები ეგენი
0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

მომდევნო მატჩები

24 ნოემბერი 2018, 19:00
იუნაიტედი
კრისტალ პალასი
პრემიერ ლიგა
28 ნოემბერი 2018, 00:00
იუნაიტედი
იანგ ბოიზი
ჩემპიონთა ლიგა
1 დეკემბერი 2018, 19:00
საუთჰემპტონი
იუნაიტედი
პრემიერ ლიგა
კრისტალ პალასი24 ნოემბერი
იანგ ბოიზი28 ნოემბერი
საუთჰემპტონი1 დეკემბერი

წინა მატჩები

11 ნოემბერი 2018, 20:30
სიტი3
იუნაიტედი1
პრემიერ ლიგა
8 ნოემბერი 2018, 00:00
იუვენტუსი1
იუნაიტედი2
ჩემპიონთა ლიგა
3 ნოემბერი 2018, 16:30
ბორნმუთი1
იუნაიტედი2
პრემიერ ლიგა
სიტი11 ნოემბერი
იუვენტუსი8 ნოემბერი
ბორნმუთი3 ნოემბერი

მატჩის საუკეთესო

ხუან მატა
8
ხუან მატა

პრემიერ ლიგა

ჩამოშლა
ყველა უფლება დაცულია

© MANUTD.GE 2012

Top