ფრანგი სპეციალისტი ზინედინ ზიდანი უსაქმოდაა, მას შემდეგ რაც 2017/2018 წლის სეზონის ბოლოს დატოვა მადრიდული სამეფო კლუბი და გადაწყვიტა შეჭიდებოდა ახალ გამოწვევებს. პრინციპში მან ამოწურა საკუთარი შესაძლებლობები ესპანეთში, მისი მიღწევებიდან გამომდინარე და დიდი ალბათობით ამ მიზეზმა განაპირობა მისი მადრიდული კარიერის დასრულება.

ზინედინ ზიდანმა ირიბად, მაგრამ მაინც, უპასუხა სპეკულაციებს იმის შესახებ, რომ მან უნდა ჩაანაცვლოს ჟოზე მოურინიო "იუნაიტედის" მთვარი მწვრთნელის პოსტზე და თქვა, რომ ის მალე შეუდგება მწვრთნელის საქმიანობას. ფრანგმა მადრიდიდან წამოსვლის შემდეგ არდადეგები მოიწყო, თუმცა მისივე თქმით, ის ფეხბურთის გარეშე დიდი ხნით ვერ ძლებს და სურს ძალიან მალე დაუბრუნდეს საქმიანობას.

"არ გამოვრიცხავ, რომ ჩემი შემდეგი სამუშაო არეალი იყოს ინგლისი, რატომაც არა?! თუმცა გადაწყვეტილი ჯერ არაფერია." ამ განცხადებით ორი რამ შეგვიძლია ვივარაუდოთ:
1. დანამდვილებით ბრიტანეთში აპირებს მუშაობას და ლოგიკურად, რომ ვიმსჯელოთ არცერთ გრანდს არ აქვს მწვრთნელთან პრობლემა ამ დროისთვის, გარდა "იუნაიტედისა" და ისეთი მიღწევების მქონე მწვრთნელი, როგორიცაა ზიდანი, ალბათ არ გაწირავს მის კარიერას საშუალო ან მცირე სიძლიერის გუნდთან მუშაობისთვის.
2. მან უბრალოდ მისსა და ინგლისს შორის კავშირს უპასუხა, საკმაოდ ორაზროვნად. ეს იყო უბრალოდ ლოგიკური განცხადება სპეკულაციებზე, ისეთი მწვრთნელისგან, რომელსაც გააჩნია ამბიციები და გააჩნია დადებითი ბალანსი ან უბრალოდ მწვრთნელისგან რომელიც ეძებს კლუბს.

როგორც ვთქვით, ზიდანს საკმაოდ კარგი წარსული აქვს, თუმცა საკმაოდ რთულია იმის წინასწარმეტყველება როგორ იასპარეზებს ის ახალ გუნდთან ერთად, თუნდაც "იუნაიტედთან". არადაბალანსებული შემადგენლობისა და საკმაოდ დიდი შიდა-საჩემპიონო კონკურენციის პირობებში. თუმცა ყველა ვხვდებით, რომ გუნდს ახალი სისხლი სჭირდება და ამ დროისთვის ხელმისაწვდომი ვარიანტებიდან, ფრანგი უდაოდ ოპტიმალურია.

წყარო: www.goal.com