მიღებული ტრავმის შემდეგ, "მანჩესტერ იუნაიტედის" მარცხენა მცველმა ლუკ შოუმ, საკუთარ ტვიტერის გვერდზე გულშემატკივრებს მიმართა და განაცხადა, რომ ის მებრძოლია და მოედანზე მალე დაბრუნებას გეგმავს.
შეგახსენებთ, რომ ესპანელების მარჯვენა მცველ დანი კარვახალთან შეჯახების შემდეგ, შოუ მოედანზე უგონოდ დაეცა, რის შემდეგაც გონს მხოლოდ მოედნის ფარგლებს გარეთ ექიმების დახმარებით მოვიდა.
"ყველას ძალიან დიდი მადლობა სიყვარულისა და მხარდაჭერისათვის. მე კარგად ვარ, საუკეთესო ადამიანები ზრუნავენ ჩემზე, მებრძოლი ვარ და აქედან გამომდინარე დაბრუნებას მალე ვგეგმავ". - წერს შოუ საკუთარ ტვიტერის გვერდზე.
შეგახსენებთ, რომ მარცხენა მცველმა ახალი სეზონი საკმაოდ კარგად დაიწყო. კლუბში შესანიშნავად ჩატარებული ინგლისის პრემიერ ლიგის 4 ტურის შემდეგ, გარეთ საუთგეიტმა ის ინგლისის ეროვნულ ნაკრებში გამოიძახა.