პრესისგან განსხვავებით, რომელიც სულ უფრო აქტიურად წერს და იუწყება იმის შესახებ, რომ "მანჩესტერ იუნაიტედის" ფრანგი ნახევარმცველი პოლ პოგბა კლუბში თავს კომფორტულად ვერ გრძნობს და ზამთარში გუნდის გამოცვლას გეგმავს, ასე არ ფიქრობენ თავად "ოლდ ტრაფორდის" მესვეურები.
ავტორიტეტული გამოცემა ESPN - იუწყება, რომ ინგლისური გიგანტი კლუბი დარწმუნებულია საკუთარი ფეხბურთელის შენარჩუნებაზე და მისთვის ახალი კონტრაქტის გაფორმებასაც გეგმავს.
პოლ პოგბას მიმდინარე კონტრაქტი "მანკუნიანელებთან" 2021 წლამდე აკავშირებს, დრო თითქოს ჯერ კიდევ დარჩენილია თუმცა კლუბის მენეჯმენტს სურს, ფრანგს ახალი გაუმჯობესებული კონტრაქტი შესთავაზოს რის მეშვეობითაც თავიდან აიცილების მისი გუნდიდან წასვლის საშიშროებას.
გავრცელებული ინფორმაციების თანახმად, კლუბის მთავარ მწვრთნელს ჟოზე მოურინიოსა და ფეხბურთელს შორის კომფლიქტი მოგვარებულია, თუმცა მიუხედავად ამისა ფრანგის მიერ გაკეთებული განცხადებებით მარტივად სავარაუდოა ის, რომ მას "იუნაიტედის" დატოვება მაინც სურს. მისი შეძენით ყველაზე მეტად "ბარსელონა" და "იუვენტუსი" ინტერესდებიან.