"იუნაიტედის" ფრანგმა ლეგენდამ პორტუგალიელ სპეციალისტზე ისაუბრა. ერიკ კანტონამ დაუფარავად განაცხადა, რომ ჟოზე მოურინიო არ არის შესაბამისი მწვრთენლი "იუნაიტედისთვის" და მისი ადგილი პეპ გვარდიოლამ ან თვითონ მან უნდა დაიკავოს. გუნდმა, საკუთარი რეპუტაციის და მიზნების გათვალისწინებით, საკმაოდ ცუდი სტარტი აჩვენა და შესაძლო 12 ქულიდან 6 მოიპოვა. ამის გამო ბევრი სპეციალისტი თუ ექსპერტი ალაპარაკდა იმაზე, რომ ჟოზე დასუსტდა და შედეგიან ფეხბურთას ვეღარ აჩვენებს, ლამაზ თამაშზე რომ არაფერი ვთქვათ. ამ ჯაჭვის ბოლო, ლოგიკურად, მოურინიოს გაშვება უნდა იყოს, შეიძლება ტრანსფერებისთვის არ გამოყოფილი თანხა სწორედ ამისკენ იყო მინიშნება, ხელმძღვანელობის მხრიდან.
ერიკ კანტონას სჯერა, რომ იმ დღიდან როდესაც გვარდიოლა მივიდა "ქალაქელებთან" მან დაიწყო გუნდის შენება, სწორი ფეხბურთელების შეძენა და ტაქტიკაც სწორად შეარჩია. "ესპანელმა უკეთესად გამოიყენა მის ხელთ არსებული რესურსი და წინა სეზონში შედეგიც ნახეთ, მოურინიო კი ერთ ადგილს ტკეპნის და ხელმძღვანელობის ფულსაც უშედეგოდ ფლანგავს, არ ვამბობ რომ არასწორ ფეხბურთელებს ყიდულობს, ის უბრალოდ კარგ ფეხბურთელებთან ისეთ კავშირს ვერ ამყარებს, რომ ისინი 100% ით აკონტროლოს, როგორც ამას სერ ალექსი აკეთებდა" - აცხადებს ფრანგი ლეგენდა, ერიკ კანტონა.
ასევე დაამატა, რომ მაშინ, როდესაც ბაიერნი დატოვა გვარდიოლამ, მაშინვე უნდა მოეყვანათ გუნდში და არ უნდა მიეცათ უფლება წასულიყო იმ გუნდში, რომლის სახელსაც ვერ იტყვის. კანტონას არც ის სტილი მოსწონს, რომლითაც ჟოზე ათამაშებს გუნდს: "და მათი თამაშის სტილი? მე ეს არ მომწონს და ალბათ ძალიან ბევრ სხვასაც, სერ ალექსი ფეხბურთელებს საშუალებას აძლევდა ყოფილიყვნენ კრეატიულები მოედანზე და სწორედ ეს იყო გუნდის წარმატების მიზეზი".
ფრანგ ლეგენდას "იუნაიტედის" მაისურით 156 შეხვედრა აქვს ჩატარებული პრემიერ ლიგაში, სადაც 70 გოლის გატანა და 56 საგოლე გადაცემის გაკეთება მოახერხა.
ინტერვიუები
4 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.