რამოდენიმე საათის წინ დასრულდა შეხვედრა ინგლისისა და ესპანეთის ეროვნულ ნაკრებებს შორის, რომელშიც ესპანეთმა იმარჯვა ანგარიშით 1-2. თუმცა "იუნაიტედის" გულშემატკივრებს სხვა რამ გვაღელვებს, ლუკ შოუმ ისევ ტრავმა მიიღო.
შოუს ტრავმიანობა ყველანაირ უიღბლობას ცდება. გასულ შეხვედრებში ის საკმაოდ იმედისმომცემად გამოყურებოდა, გოლიც კი გაიტანა "მელიების" კარში და ის დღეს ისევ ლაზარეთში გაემგზავრება. 17 თვიანი ლოდინის შემდეგ შოუს დიდი მოლოდინი ახდა, დაუფასდა შრომა და ის ნაკრებში გამოიძახეს. 17 თვიანი ლოდინის შემდეგ ჩაიცვა თეთრი "ლომებიანი" ფორმა და ისევ უიღბლობა. შოუ მოედნიდან საკაცით გაიყვანეს, მას შემდეგ რაც გონება დაკარგა რამოდენიმე წამით.
"მადრიდის რეალის" მარჯვენა ფლანგის უკანახაზელთან - დანი კარვახალთან ორთაბრძოლის შემდეგ მინდორზე დაეცა, თავის არეში მიიღო ძლიერი დარტყმა და რამოდენიმე წამის განმავლობაში უგონოდ იყო, შემდეგ როგორც ზევით აღვნიშნეთ საკაცით გაიყვანა ბრიტანელმა ექიმთა ბრიგადამ, მატჩის დაწყებიდან 48-ე წუთზე.
თუმცა ცნობილი გახდა ინფორმაცია, რომ მას შემდეგ რაც შოუ გასახდელში გაიყვანეს, ის გონს მოვიდა და ტელეფონით აცნობა მის ოჯახის წევრებს, რომ ის კარგად გრძნობდა თავს და დაამშვიდა ისინი, მათთან ერთად კი "იუნაიტედის" გულშემატკივრები. ვიმედოვნოთ, რომ მისი თავის ტრავმა სერიოზული არ აღმოჩნდება და ის მალე დაუბრუნდება მოედანს.
თამაშს ჟოზე მოურინიო ესწრებოდა და შეგვიძლია ვივარაუდოთ, რომ ის ნამდვილადაა გულდაწყვეტილი ასეთი ფეხბურთელის ლაზარეთში გადაყვანით, ისეთ მნიშვნელოვან დროს როგორიც ამ დროისთვის უდგას "მანჩესტერ იუნაიტედს". ჯერ არ გამხდარა ცნობილი რა სახისა და რა სიმძიმისაა ლუკ შოუს დაზიანება, თუმცა იმედი ვიქონიოთ, რომ არ აღმოჩნდება რაიმე სერიოზული, რაც დიდი ხნით ჩამოაშორებს ინგლისელ მარცხენა მცველს მწვანე მინდორს.
წყარო: www.skysports.com
ახალი ამბები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.