თუ ამ ჭორში ოდნავი სიმართლე მაინცაა, ეს ნამდვილად სენსაციურია. ინგლისის ნაკრებისა და "ლონდონის ჩელსის" ყოფილი უკანახაზელი ჯონ ტერი თავისუფალი აგენტია. მას შემდეგ რაც ტერიმ "ჩელს" დატოვა და საასპარეზოდ "ასტონ ვილას" მიაშურა, ბევრმა წყალმა ჩაიარა. რაღაც პერიოდის შემდეგ გუნდს ფინანსური პრობლემები შეექმნა და ვეღარ გაწვდა იმხელა სახელფასო ჭერს, რომ ვეტერანი, თუმვა ვარსკვლავი, ბრიტანელი ფეხბურთელისთვის გადაეხადა. ამ ყველაფრის გათვალისწინებით კი ჯონ ტერი თავისუფალი აგენტია.
talkSPORT ის ჟურნალისტი ედრიან დურჰემი წერს, რომ 37 წლის ჯონ ტერი, ამ ასაკშიც კი ბევრად ჯობია მოურინიოს ფორმაციის "იუნაიტედის" რესურსში არსებულ მცველებს და ასახელებს კონკრეტულ მაგალითს, რომ თუნდაც მარკოს როხოზე ის ბევრად უკეთესია თუნდაც 37 წლის და თუნდაც ამ ფორმაში. ასევე მისი აზრით ტერი მოურინიოს სასურველი ფეხბურთელი ყოველთვის იყო და მასზე უარს არასოდეს იტყვის, ირწმუნება, რომ ჯონი ნამდვილადაა პორტუგალიელი სპეციალისტის რადარზე და საკმაოდ დიდი შანსია ტერიმ მოირგოს წითელი მაისური.
"ყველა ხედავს, რომ "იუნაიტედს" უკანა ხაზში პრობლემები აქვს, ბრმა უნდა იყო ეს რომ ვერ დაინახო. გუნდში მყოფ მცველებს შორის ნამდვილად არ მოიძებნება ფეხბურთელი, რომელიც გამოცდილებითა თუ ფიზიკური მონაცემებით აჯობებს ჯონ ტერის, რომელიც ასე ძალიან უყვარს ჟოზე მოურინიოს და მე ვიცი, რომ ის ფიქრობს ტერიზე, ზუსტად ვიცი"
დამეთანხმებით საკმაოდ ხმაურიანი განცხადებაა და ტრანსფერის განხორციელების შემთხვევაში საკმაოდ ხმაურიანი ტრანსფერიც იქნება, თუმცა იმის გათვალისწინებით, რომ ტერი"ლონდონის ჩელსის" ლეგენდაა, საკმაოდ რთულია იმის წარმოდგენა, რომ "ლურჯების" პრინციპული მეტოქის მაისურს მოირგებს ტერი, მაშინაც კი თუ ეს ერთადერთი შემოთავაზება იქნება. თუმცა პრემიერ ლიგა და ზოგადად ფეხბურთი უცნაურობებითაა აღსავსე, ასე რომ გამორიცხული არაფერია.
წყარო: www.talkSPORT.com
ჭორები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.