"ლესტერის" უკანახაზელმა, ჰარი მაგვაიერმა, ზაფხულის სატრანსფერო ფანჯრის დროს, მის მიმართ გამოხატულ ინტერესზე ისაუბრა. ინგლისელმა ცენტრალურმა დამცველმა დაადასტურა ის ფაქტი, რომ "იუნაიტედიდან" იყო შემოთავაზება და 4 წლიანი კონტრაქტი, რომელსაც მისივე თქმით ერთგულებით უპასუხა.
მისი თქმით "წითლები" მის მიმართ ინტერესს, ჯერ კიდევ მსოფლიო ჩემპიონატის პერიოდში იჩენდნენ, თუმცა ჰარის ამ პერიოდში ტრანსფერისთვის არ ეცალა და მთლიანად სანაკრებო ტურნირზე იყო ორიენტირებული. როგორც მოგეხსენებათ, ის შეუცვლელი ფიგურა იყო გარეტ საუთგეიტის ფორმაციის ინგლისის ნაკრებში და მეოთხედ-ფინალში გოლიც გაიტანა შვედეთის წინააღმდეგ.
როგორც კი მსოფლიო ჩემპიონატი დასრულდა, "იუნაიტედმა" ოფიციალური შეთავაზებით მიმართა "მელიებს", თუმცა სანამ ოფიციალურ პასუხს დაუბრუნებდნენ, "ლესტერის" ხელმძღვანელობან განუცხადა მაგვაიერს, რომ ისინი მის გაყიდვას არ აპირებდნენ და არც კი ეფიქრა ამაზე. კლუბისა და ფეხბურთელის ინტერესები დაემთხვა ერთმანეთს და უარით გაისტუმრეს მოურინიოს შეთავაზება, რომელიც იდეაში ყველაზე ძვირადღირებულ მცველად აქცევდა ინგლისელ ფეხბურთელს.
"ამ გუნდმა მომცა შესაძლებლობა, რომ მეთამაშა პრემიერ ლიგაში. "ჰალის" ქვედა ლიგაში დაქვეითების შემთხვევაში, უნდა დავმშვიდობებოდი პრემიერ ლიგას, თუმცა "მელიებმა" შემომთავაზეს საკმაოდ კარგი კონტრაქტი და პირველ რიგში ეს ჩემი გამოჩენილი ძალისხმევისა და პროფესიონალიზმისთვის გამოწვდილი დახმარების ხელი იყო" - აცხადებს ინგლისელი უკანახაზელი.
გასული ზაფხულის სატრანსფერო ფანჯრის პერიოდში, როგორც ცნობილი ხდება, "იუნაიტედი" ინტერესს დიეგო გოდინისა და ტობი ალდერვეირელდის მიმართაც იჩენდა, თუმცა საბოლოოდ ამ სამი ფეხბურელიდან არცერთი არ შეიძინა გუნდმა. გასულ სეზონში მაგვაიერმა "ლესტერის" შემადგენლობაში სრული - 38 მატჩი ჩაატარა და ამ სეზონშიც ყველა მატჩში მიიღო მონაწილეობა.
წყარო: www.goal.com
სტატიები
5 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.