როგორც მოგეხსენებათ, 6 სექტემბრიდან - 15 სექტემბრამდე სანაკრებო პაუზა ჩაანაცვლებს ინგლისის პრემიერ ლიგას. დასამახსოვრებელი მსოფლიო ჩემპიონატის შემდეგ სტარტს აიღებს უეფას მიერ შექმნილი სრულიად ახალი ტურნირი - "უეფას ერთა ლიგა". ამ ტურნირიამდე კი ნაკრებები ჩაატარებენ ამხანაგურ მატჩებს.

არგენტინა : გუნდში მყოფი ორი არგენტინელიდან მხოლოდ სერხიო რომერო აღმოჩნდა ნაკრებისთვის მზად. როგორც ვიცით მარკოს როხომ მსოფლიო 2018 წლის მსოფლიო ჩემპიონატზე წვივისა და ბარძაყის ძვლის შემაერთებელი ნაწილი - კვირისტავი დაიზიანა და ამ მიზეზით ვერ დაეხმარება არგენტინის ეროვნულ ნაკრებს გვატემალასა და კოლუმბიის წინააღმდეგ. არგენტინის ეროვნული გუნდი მატჩებს ამერიკის შეერთებულ შტატებში გამართავს ნიუ ჯერსისა და კალიფორნიაში.

ბელგია : რომელუ ლუკაკუ და მარუან ფელაინი, ისევ მოხვდნენ რობერტო მარტინესის სანაკრებო განაცხადში. ბელგიელები გლასგოსკენ გაეშურებიან, რომ შოტლანდიის წინააღმდეგ ჩაატარონ მატჩი.

ბრაზილია : ბრაზილიის ეროვნული ნაკრების თავკაცმა ორ "მანჩესტერელს" უხმო მის გუნდში - ფრედი და ანდრეას პერეირა. ბრაზილიის ეროვნული ნაკრები ელ სალვადორისა და ამერიკის შეერთებული შტატების გუნდებს დაუპირისპირდება.

ინგლისი : ინგლისელთა თავკაცს - გარეტ საუთგეიტს არ გამორჩენია ლუკ შოუს ეფექტური და შედეგიანი 2018/2019 წლის სეზონის სტარტი და შედეგმაც არ დააყოვნა - შოუს ინგლისის ნაკრების მაისურში ვიხილავთ. ასევე ამ სანაკრებო პაუზისას "ლომების" მაისურს ჯესი ლინგარდი და მარკუს რაშფორდი მოირგებენ. აღსანიშნავი ფაქტია, რომ ინგლისის მარცხენა ფლანგის დაცვის ხაზიდან ისევ "მანჩესტერელი" შეუტევს, ლუკ შოუ ჩაანაცვლებს ეშლი იანგს. ინგლისის ეროვნული ნაკრები შვეიცარიასა და ესპანეთთან გამართას მატჩებს.

საფრანგეთი : ჩემპიონი "მამლების" რიგებში, მსოფლიო ჩემპიონატის მიმდინარეობისას შეუცვლელი ფიგურა იყო "მანჩესტერელთა" კაპიტანი პოლ პოგბა. რა თქმა უნდა, ის ისევ გამოიძახეს საფრანგეთის ეროვნულ ნაკრებში, რასაც ენტონი მარსიალზე ვერ ვიტყვით, რომელიც ასევე მსოფლიო ჩემპიონატის მიღმა დატოვა დიდიე დეშამმა. საფრანგეთის ეროვნული ნაკრები გამართავს ორ მატჩს - გერმანიისა და ჰოლანდიის წინააღმდეგ.

კოტ-დ'ივუარი : აფრიკული გუნდის შემადგენლობას შეასვებს ერიკ ბაი, რომელსაც მოუწევს დაუპირისპირდეს რუანდას.

ჰოლანდია : ტიმოთი ფოსუ-მენსა ამ დროისთვის "ფულემში" იმყოფება იჯარის წესით. ჰოლანდიის ეროვნული ნაკრები პერუსა და მოქმედი მსოფლიო ჩემპიონების წინააღმდეგ ჩაატარებს მატჩებს.

შოტლანდია : მას შემდეგ, რაც სკოტ მაკტომინეიმ ინგლისსა და შოტლანდიას შორის არჩევანი ამ უკანასკნელზე შეაჩერა, მან ორი შეხვედრა ჩაატარა შოტლანდიის მაისურით. ალექს მაკლიში, როგორც ჩანს, ენდობა სკოტს და ის ისევ გამოიძახა ეროვნულ ნაკრებში, რომელიც ალბანეთსა და ბელგიას დაუპირისპირდება. ასე რომ, "შოტლანდიელ წითელ ეშმაკს" მოუწევს მარუან ფელაინისა და რომელუ ლუკაკუს წინააღმდეგ თამაში.

ესპანეთი : დეივიდე დე ხე, როგორც ჩანს, ისევ უკონკურენტოა ესპანელთა კარის "მცველებს" შორის. არც ისე წარმატებული მსოფლიო ჩემპიონატის შემდგომ წამოსული კრიტიკის მიუხედავად, ის მაინც იხმეს "ფურია როხას" მესვეურებმა ეროვნულ ნაკრებში. ესპანეთი გამართავს მატჩებს ინგლისის და მსოფლიო ჩემპიონატის ფინალისტი - ხორვატიის წინააღმდეგ.

შვედეთი : მსოფლიო ჩემპიონატზე საკმაოდ კარგი შთაბეჭდილება დატოვა შვედეთის ეროვნულმა ნაკრებმა, რომელმაც ჯერ კიდევ საკვალიფიკაციო ეტაპიდან გამოთიშა იტალიის ნაკრები და ჩემპიონატს მიღმა დატოვა. ამ გუნდის ცენტრალური დაცვის ხაზის შეუცვლელი წევრი იყო ვიქტორ ლინდელოფი, რომელსაც ცოტა არ იყოს უჭირს მისი პოტენციალის ბოლომდე გამოვლენა კლუბში. ლინდელოფის შვედეთი მატჩებს გამართავს თურქეთისა და ავსტრიის წინააღმდეგ.

წყარო: www.manutd.com