"მანჩესტერ იუნაიტედის" მარცხენა მცველი ლიუკ შოუ, აგვისტოს თვის საუკეთესო მოთამაშედ დასახელდა. გულშემატკივრების ხმათა უმრავლესობით შოუმ ყველა თავის თანაგუნდელს აჯობა და ზემოხსენებული თვის საუკეთესო ფეხბურთელის წოდება მიიღო.

"ძალიან მოხარული ვარ იმით, რომ ეს ჯილდო წილად მე მხვდა. მადლობა მინდა გადავუხადო ყველას ვინც ჩემ გვერდით იდგა და ხმა მომცა. ამ მომენტისთვის სანაკრებო პაუზაა, სულ მალე ჩვენ დავბრუნდებით და კვლავ ვიქნებით ფოკუსირებული იმისთვის, რომ გავიმარჯვოთ თქვენთვის და ჩვენთვის". - ციტირებს შოუს სიტყვებს "წითელი ეშმაკების" ოფიციალური ვებ - საიტი.

შოუმ. ინგლისის პრემიერ ლიგის ოთხივე ჩატარებულ ტურში მიიღო მონაწილეობა. აღსანიშნავია ის, რომ ფეხბურთელმა ოთხივე შეხვედრა ძირითად შემადგენლობაში დაიწყო. 23 - წლის ფეხბურთელმა თავისი პირველი გოლი პირველ ტურში "ლესტერის" წინააღმდეგ გაიტანა, რამაც საბოლოო ჯამში გუნდს პირველი სამი ქულა მოუტანა.

შეგახსენებთ, რომ მიმდინარე სანაკრებო პაუზაზე, კარიერის განმავლობაში პირველად, შოუ, გარეთ საუთგეითმა ინგლისის ეროვნულ ნაკრებში გამოიძახა.


წყარო: euro-football.ru