ინგლისის პრემიერ ლიგის მეოთხე ტურში, სტუმრად "ბარნლისთან" მოპოვებული სამი ქულის შემდეგ თითქოს სიტუაცია დაწყნარებისკენ მიდის და მოურინიოს კრიტიკოსების რიცხვმაც შესამჩნევად იკლო, თუმცა ეს მხოლოდ ერთი კარგად ჩატარებული მატჩია, "იუნაიტედისთვის" კი ჯერ კიდევ ყველაფერი წინ არის.
"წითელი ეშმაკების" ლეგენდარულმა ექს - კიპერმა პიტერ შემიხლემა, გუნდის რესურსებზე ისაუბრა და მოურინიოს მხარდაჭერა ღიად გამოუცხადა.
"მოურინიო ყოველთვის მუშაობდა ძლიერ გუნდებში და მას ბევრი ტიტული აქვს მოგებული. ჟოზემ ფეხბურთისთვის ძალიან ბევრი კარგი რამ გააკეთა. თუმცა "მანჩესტერ იუნაიტედი" - ეს სხვა განზომილებაა. ამ კლუბს ძალიან მდიდარი ისტორია და ტრადიციები აქვს.
გასულ სეზონებში ჩვენ მოვიგეთ ევროპა ლიგა და ასევე ინგლისის პრემიერ ლიგაში მეორე ადგილი დავიკავეთ. ეს ძალიან კარგი დადებითი მომენტებია გუნდისთვის. თუ მოურინიოს დროს მივცემთ, "იუნაიტედი" შეძლებს გახდეს ჩემპიონი". - ციტირებს Goal.com - შმეიხელის სიტყვებს.