ჟოზეს საშინელი სტარტის შემდეგ კრიტიკის ქარცეცხლი დაატყდა თავს. პორტუგალიელმა ვეღარ მოითმინა და ინტერვიუს დროს განაცხადა რომ ბევრად მეტ პატივისცემას იმსახურებს, რადგან მას მეტი პრემიერ ლიგის ტიტული აქვს ვიდრე ლიგის დანარჩენ ცხრამეტ მწვრთნელს ერთად.
ამ თემაზე ჟურნალისტებმა "სიტის" მწვრთნელ პეპ გუარდიოლას კითხვა დაუსვეს, მართლაც იმსახურებს თუ არა პორტუგალიელი იმ პატივისცემას რასაც ითხოვს. პეპმა განუცხადა - "უმეტეს შემთხვევაში სხვის საქმეში არ ვერევი".
"ჩვენ გვნსჯიან ჩვენი მოღვაწეობის მიხედვით ამ ლიგაში, განსაკუთრებით როცა ტიტულს ვიგებთ. მოურინიოს კლასში ეჭვი არასდროს შემიტანია და არც შევიტან".
"მე მრავალი კლუბის მენეჯერობისას მომიგია ტიტულები, ასე რომ არ ყოფილიყო ახლა "სიტის" თავკაცი არ ვიქნებოდი. გარდა ამისა პრემიერ ლიგაში ბევრი შესანიშნავი სპეციალისტია რომლებსაც რაიმე განსაკუთრებული არ მოუგიათ" - დაამატა პეპმა.