როგორც ჩანს, გუშინდელი მარცხის შემდეგ, "მანჩესტერ იუნაიტედის" ხელმძღვანელობა აღშფოთებული სულაც არ არის და მეტიც, გუნდის მთავარი მწვრთნელის ჟოზე მოურინიოს მიმართ ნდობას კვლავ ინარჩუნებს.

The Times - ის ცნობით, მიუხედავად იმისა, რომ კლუბმა ზედიზედ ორჯერ დათმო შეხვედრა ჯერ "ბრაიტონთან" 3-2, ხოლო მაურისიო პოჩეტინოს "ტოტენჰემთან" 0-3, კლუბის მენეჯმენტი სულაც არ გეგმავს პორტუგალიელი სპეციალისტის გუნდიდან გათავისუფლებას.

აღნიშნული წყაროს ცნობით, "იუნაიტედის" აღმასრულებელი დირექტორი ედ ვუდვორდი კლუბის ბოსებთან ერთად, აპირებს მოურინიოს კიდევ ერთი შანსი მისცეს პრემიერ ლიგის მომავალ ტურამდე. ხოლო თუ იმ მატჩშიც გუნდმა სასურველი შედეგის მიღწევა ვერ შეძლო, მენტორის დათხოვნის საკითხი დღის წესრიგში აუცილებლად დადგება.

შეგახსენებთ, რომ შემდეგ ტურში "იუნაიტედი" სტუმრად "ბარნლის" დაუპირისპირდება. ამ წუთისთვის "წითელი ეშმაკების" აქტივში გასული სამი ტურის შემდეგ მხოლოდ 3 ქულაა.



წყარო: euro-football.ru